ESOMO 45
Eritendibya oko luhande lulebe ni bughambuki
Yesu mwabugha ati abigha biwe sibatolere eribya ‘bandu b’ekihugho.’ (Yoane 15:19) Omo mwatsi oyo muli eritendibya oko luhande lulebe—eritendiyingirya omo myatsi y’ekihugho ey’ekipolitike n’ey’amalwa. Oko kwenene, si mwatsi molo-molo erikangania emibere y’eritendibya oko luhande lulebe. Abandu banganatusekererya busana n’eritendibya oko luhande lulebe. Twangatoka tuti eribya bataleghula mughulu wosi oko Yehova omo mwatsi w’eritendibya oko luhande lulebe?
1. Abakristo b’ekwenene bakalangira bati amatabali w’abandu?
Abakristo basikirye eguvernema. Bakakola erikwamana ngoko Yesu abugha kandi ‘bakaliha kaisari y’ebindu biwe’—ni bughambu bakasikaya emighambo y’ekihugho, ng’omughambo owakabasaba eriliha ebitasi. (Mariko 12:17) EBiblia ikakangiriraya yiti amatabali w’abandu akatabala kundi oMungu akahamuliragho eritabala. (Abanya Roma 13:1) Ekyo kikatuwatikaya eriminya ngoko esyoguvernema siwite ehamuli y’olulengo luke. Tuyiketere Yehova n’oBwami bwiwe okwisyabughaho amaghali wosi w’abandu.
2. Twangakangania tuti ngoko situli oko luhande lulebe?
Ngoko Yesu abya, netu situliyingiraya omo myatsi y’ekipolitike. Omughulu abandu balangira ekitikotiko kighuma ky’oko ebyo Yesu akola n’erisonda erimuyiramo Mwami wabo, Yesu mwaghana. (Yoane 6:15) Mwaghana busanaki? Busana n’ebinywa ebyabugha enyuma, “oBwami bwaghe si bw’ekihugho kino.” (Yoane 18:36) Kundi tuli bigha ba Yesu, tukakanganaya ngoko situli oko luhande lulebe omo syo nzira mbiriri-mbiriri. Eky’erileberyako, situliyingiraya omo malwa. (Soma Mika 4:3.) Tusikirye ekihugho kyetu n’ebisosekanio byakyo—ng’esyobendera. Aliwe situliramaya byo. (1 Yoane 5:21) Kandi situlibya oko luhande lw’ekyama kilebe ky’ekipolitike kutse eribya oko luhande lw’omundu mulebe w’ekipolitike. Omo nzira esi n’esindi, tukakanganaya ngoko tuli bataleghula oko butabali bw’oMungu—oBwami bwiwe.
WIGHE BINGYI
Ulangire emibere milebe eyangakuhikira iyaleka ikyakukalako erikangania ngoko siwuli oko luhande lulebe, neryo wighe ekyo wangakola utoke eriyisogha omo nzira eyikatsemesaya Yehova.
3. Abakristo b’ekwenene sibalibya oko luhande lulebe
Yesu n’abigha biwe mobatusiyira eky’erileberyako ekyuwene. Musome Abanya Roma 13:1, 5-7 na 1 Petero 2:13, 14. N’enyuma syaho, mulebaye EVIDEO n’erisubirya oko mabulyo awakwamire.
-
Busanaki litolere itwasikya amatabali w’abandu?
-
Tukakanganaya ngoko tusikiryegho omo nzira syahi?
Hakanayira omughulu w’amalwa ihabya ebihugho bilebe ebikabugha biti sibiri oko luhande lulebe, aliwe kandi ibinemuwatikya ebihugho bibiri ebikalwa. Eritendibya oko luhande lulebe kwenene ni bughambuki? Musome Yoane 17:16. N’enyuma syaho, mulebaye EVIDEO n’erisubirya oko mabulyo awakwamire.
-
Eritendibya oko luhande lulebe ni bughambuki?
Nikwa abatabali b’ekihugho bamabikusaba erikola omwatsi owatahambene n’erisonda ly’oMungu? Musome Emibiri 5:28, 29. N’enyuma syaho, mulebaye EVIDEO n’erisubirya oko mabulyo awakwamire.
-
Abatabali b’ekihugho bamatusaba eribakolera ekindu ekitahambene n’erisonda ly’oMungu, itukendisikyandi?
-
Wanganalengekania oko kyalayiro kilebe kye Leta ekyo Omukristo atatolere erisikya?
4. Ukanganaye ngoko siwuli oko luhande lulebe omo bulengekenia n’omo mikolere
Musome 1 Yoane 5:21. N’enyuma syaho, mulebaye EVIDEO n’erisubirya oko mabulyo awakwamire.
-
Omo video, busanaki Ayenge mwayisogha eritendingira omo kyama ky’ekipolitike kutse erikola oko makinga w’ekipolitike, ng’aw’eriramya ebendera?
-
Ukalengekanaya uti mwanayisogha n’amenge?
Ni myatsi yindi yahi eyangalenga okwiyisogha lyetu ly’erikangania ngoko situli oko luhande lulebe? Mulebaye EVIDEO, neryo musubiraye oko mabulyo awakwamire.
-
Twangakangania tuti ngoko situli oko luhande lulebe omughulu tukakwama amasata awali mw’abasati b’omo bihugho byosi abakalwira ekikombe?
-
Emyatsi eyo batabali bamasombola erikola yamabya iyanganatuletera endundi kutse erituhutalya, twangakangania tuti ngoko situli oko luhande lulebe?
-
Ebyo tukowa omo syongulu n’ebyo abo tukasiba nabo bakatukaniraya byanganabya n’ebighuma byahi okwiyisogha lyetu ly’eritendibya oko luhande lulebe?
OMukristo anganakangania ko syali oko luhande lulebe omo myatsi yahi eyilebirye obulengekania n’ebyo akakola?
OMUNDU ANGANABULYA ATI: “Busanaki simuliramaya ebendera kutse erimba oko lwimbo lwe taifa?”
-
Wangasubirya utiki?
MUKIGHA MYATSI YAHI?
Abakristo bakayikasa erikangania ko sibali oko luhande lulebe omo malengekania, omo ebyo bakabugha, n’ebyo bakakola.
Eriyibukya
-
Litolere itwasikya amatabali w’ekihugho omo myatsi yahi?
-
Busanaki situlibya oko luhande lulebe omo myatsi y’ekipolitike?
-
Ni myatsi yahi eyangaleka ikyatukalako erikangania ngoko situli oko luhande lulebe?
EBINDI EBY’ERIMINYA
Ni myatsi yahi eyo tutolere itwaleka tutoke eritendibya oko luhande lulebe?
Ebihanda byangakolaki eriyiteghekania embere sy’erilengwako ely’eritendibya oko luhande lulebe?
Siubye oko luhande lulebe omughulu hali emyatsi eyikahindanaya abandu bangyi (4:25)
Busanaki erilwira oko kihugho ky’omundu si w’omwatsi owakaletera olukengerwa lunene?
Wighe ngoko wangakangania ko siwuli mundu w’ekihugho omughulu ukayisogha omo myatsi eyilebirye omubírí waghu.
“Obuli mundu asyaheka omuheke wiwe” (Mnara wa Mlinzi, Machi 15, 2006)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
