ESOMO 47
Unayiteghekire eribatisibwa?
Erihika hano wabiriminya myatsi mingyi oko Yehova omo nzira y’erigha eBiblia. Wanganabya iwunemukola esyombinduka omo ngebe utoke erikolesya ebyo ukigha. Aliwe, hanganabya ihane ekikaleka iwayowa nga siwuli watolera eriyiherera oko Yehova n’eribatisibwa. Omo somo eno, tukendikania oko bitegho ebikaleka abandu bangyi ibasagha eribatisibwa kandi nga wangakinda ebitegho ebyo byo wuti.
1. Utolere iwaminya emyatsi y’eBiblia oko lulengo lwahi embere sy’eribatisibwa?
Eribatisibwa, utolere “iwaminya ndeke omwatsi w’ekwenene.” (1 Timoteo 2:4) Ekyo sibughambu embere sy’eribatisibwa utolere iwaminya ebisubiryo oko mabulyo wosi awo abandu bangakubulya oko Biblia. Nibya n’Abakristo ababiribugha biro bingyi ibanabatisibwe bakabya ibanemuyighisya. (Abanya Kolosai 1:9, 10) Aliwe utolere iwaminya amakangirirya makulu-makulu w’eBiblia. Abasyakulu b’endeko bakendikania naghu batoke erilangira nga une n’eriminya oko lulengo olutolere eribatisibwa.
2. Ni bika byahi byo utolere iwatwa embere sy’eribatisibwa?
Embere sy’eribatisibwa, utolere “iwabindula omutima . . . n’eritsira ebibi.” (Soma Emibiri 3:19.) Ekyo ni bughambu ukayikubaya b’omo busana n’ebibi ebyo wabirikola, n’erisaba Yehova uti akughanyire. Kandi ukayisogha kundu erileka emighendere yosi eyituwene n’eriyikasa erikola ebikatsemesaya oMungu omo ngebe yaghu. Kandi, ukatsuka erikola oko mibírí eyikakoleka omo ndeko omwihika oko mihindano n’eriyatulira haghuma n’endeko.
3. Busanaki siwutolere erileka obuba bukukakiraye?
Abandi bakasagha bati alinga banganataluka erikola ebyo balagha Yehova. Kwenene oko sindi ndambi wanganakola amakosa, nibya abalume n’abakali bataleghula abakakanibawako omo Biblia ibakanakola amakosa. Yehova syalisaba abaramya biwe ati babye bandu abahika-hikene. (Soma Esyonyimbo 103:13, 14.) Akatsema akalangira ngoko ukayikasa eritendimukosera. Akakuwatikaya. Yehova akatubwira ati, “sihali kindu kyangatoka eritughabula oko lwanzo [lwiwe].”—Soma Abanya Roma 8:38, 39.
WIGHE BINGYI
Ulebaye nga wangakinda wuti ekitegho kyosi-kyosi ekyangakukakirya eribatisibwa omw’iminya Yehova yo ndeke n’eriligha obuwatikya bwiwe.
4. Wighe eriminya Yehova yo ndeke
Utolere iwaminya Yehova y’oko lulengo lungahi embere sy’eribatisibwa? Ukayitagha erimuminya ndeke oko lulengo olwangakuwatikya erimwanza n’erisonda erimukolera. Mulebaya EVIDEO erilangira ngoko abigha b’eBiblia bangyi omo kihugho kyosi babiritoka erikola batya. Neryo musubiraye oko ribulyo erikwamire.
-
Omo video, ekyawatikaya abandu balebe erihika oko kika ky’eribatisibwa niki?
Musome Abanya Roma 12:2, neryo musubiraye oko mabulyo ano:
-
Hane omwatsi owo ukatika-tikira oko makangirirya w’eBiblia kutse oko ebyo Abimiri ba Yehova bakakangiriraya?
-
Byamabya bitya, wangakolaki?
5. Ukinde ebyangakukakirya eribatisibwa
Omughulu tukayisogha eriyiherera oko Yehova n’eribatisibwa, hakabya emyatsi eyikalakalire eyikatuhikira. Erilangira eky’erileberyako, Mulebaye EVIDEO, eryo musubiraye oko mabulyo awakwamire.
-
Omo video, ni myatsi yahi eyabya ikakakirya Narangerel erikolera Yehova?
-
Olwanzo lwiwe oko Yehova molwamuwatikya luti erikinda emyatsi eyabya ikamukakirya eyo?
Musome Emisyo 29:25 na 2 Timoteo 1:7, neryo musubiraye oko ribulyo rino:
-
Niki kyo kikatuha akaghala ak’erisinga ebikatukakiraya?
6. Uyiketere obuwatikya bwa Yehova
Yehova akendikuwatikya utoke erimutsemesya. Mulebaye EVIDEO, neryo musubiraye oko mabulyo awakwamire.
-
Omo video, busanaki omwigha w’eBiblia abya akatika-tika eribatisibwa?
-
Ni myatsi yahi eyo igha eyamuwatikaya eriyiketera Yehova?
Musome Isaya 41:10, 13, neryo musubiraye oko ribulyo erikwamire:
-
Busanaki wanganayiketera ngoko ukenditoka eriberererya ebyo walagha Yehova omughulu wayiherera okwiye?
7. Ubye n’erisima linene busana n’olwanzo lwa Yehova
Omughulu ukendibya ukalengekania kutsibu oko lwanzo olo Yehova ali nalo okwiwe, kutya n’eryanza erimusima n’erianza erimukolera kera na kera rikendilolya embere yo kutsibu. Musome Isaya 40:5, neryo musubiraye oko mabulyo ano:
-
Ni miyisa yahi eyo Yehova abirikuha eyo ukatsemera kutsibu?
Omuminyereri Yeremia abya anzire Yehova n’ekinywa kiwe, kandi abya n’erisima busana n’olusunzo lw’erihulwa omo rina lya Yehova. Mwabugha ati: “Ekinywa kyawu mokyabya butseme busana naghe n’eritsanga ly’omutima waghe, kusangwa ng’ahulawa omo rina lyawu iwe Yehova Mungu.” (Yeremia 15:16) Subiraya oko mabulyo ano:
-
Busanaki eribya Mwimiri wa Yehova ni lusunzo lunene kutsibu?
-
Unanzire eribatisibwa mo mughuma w’oko Bimiri ba Yehova?
-
Hane ekikakukakiraya erikola utya?
-
Ukalengekanaya uti utolere iwakolaki utoke erihika okwibatisibwa?
ABANDU BALEBE BAKABUGHA BATI: “Sinangatoka eriberererya ebyo ngendilagha erisyakola omughulu ngendibatisibwa.”
-
Naghu ko ukayowa utya?
MUKIGHA MYATSI YAHI?
Omo nzira y’obuwatikya bwa Yehova, wanganakinda ekindu kyosi-kyosi ekyangakukakirya eribatisibwa.
Eriyibukya
-
Utolere iwaminya eBiblia oko lulengo lwahi imo wabatisibwa?
-
Ni mbinduka syahi syo utolere iwakola embere syeribatisibwa?
-
Busanaki siritolere obuba bukakukakirya eribatisibwa?
EBINDI EBY’ERIMINYA
Ulengekanaye oko myatsi eyangakukuna eriyisogha eribatisibwa.
“Unayiteghekire eribatisibwa? (Akaleberyo k’Omuteya, oMwisi 3, 2020)
Wighe ngoko wangasinga ebitegho ebyangakukakirya eriyiherera oko Mungu.
“Niki kyo kikanikakiraya eribatisibwa?” (Munara wa Mulinzi, Mwezi wa 3, 2019)
Ulebaye ngoko omundu mughuma mwatoka erikinda emyatsi mikulu milebe eyamukakiraya eribatisibwa.
Okwitsuka, omulume oyukahulawamo Ataa mwabya akatika-tika eribatisibwa. Lebaya ekyamuwatikaya ahikire eritwa ekika ky’omughaso munene ekyo.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
