ESOMO 50
Obunyumba bwaghu bwangabya m’obutseme buti?—Ekitswe 2
Abana ni kihembo ekikalua oko Yehova. Akasaba ababuti ati bateghaye ekihembo ekyo. Yehova akaha ababuti b’amahano w’amenge awangabawatikya erikola batya. Kandi amahano wiwe akakanganaya ekyo abana bangakola eriwatikya obunyumba bubye m’obutseme.
1. Ni rihano lyahi eryo Yehova akaha ababuti?
Yehova anzire ababuti ibanza abana babo n’erilabya nabo endambi nene oko lulengo olo bangatoka. Anzire ati ababuti ibateya abana babo oko ebyangabahutalya, kandi anzire ibakolesya eBiblia omughulu bakabakangiriraya. (Emisyo 1:8) Akabwira abo tata ati: “Mukulaye [abana benyu] . . . omw’ikangirirya lya Yehova.” (Soma Abanya Efeso 6:4.) Yehova akatsema omughulu ababuti bakakulaya abana babo omwikwama obusondoli bwiwe kandi anzire ibalembera abana babo ibibene-bene butsira eriha omuheke wabo w’owundi mundu.
2. Ni rihano lyahi eryo Yehova akaha abana?
Yehova akahana abana ati: “Mwowe ababuti benyu.” (Soma Abanya Kolosai 3:20.) Abana bamabya bakowa ababuti babo n’eribasikya bakatsemesaya Yehova na babuti babo. (Emisyo 23:22-25) Yesu abya eky’erileberyako kibuya omughulu abya mwana. Nomo anabya iniahika-hikene, mwabya akowa ababuti biwe n’erisikyabo nibya nomo banabya isibahika-hikene.—Luka 2:51, 52.
3. Ekihanda kyenyu kyanganayitunda kiti hakuhi na Yehova?
Wamabya mubuti, ahate eritikatika, unayisunzire uti abana baghu ibanza Yehova ng’iwe. Wangaberererya ekyo kyo wuti? Omwikola ekyo eBiblia ikabugha: “Wasyakangiriryabyo [ebinywa bya Yehova] abana bawu omugulu wikere omo nyumba yawu, n’omugulu ukalendera omo nzira, n’oko mugulu ukagotsera n’omugulu ukabuka.” (Eryibuka Ebihano 6:7) “Erikangirirya” erikahulawa hano ry’erikangirirya omwisubirira-subirira omo mwatsi owo ukakangiriraya. Kyanganatolera iwabya ukasubirira omo mwatsi mulebe eriwatikya abana baghu batoke eribya ibanibukirewo. Erisako lino likakanganaya ko utolere iwabya iwune musondya ehyanya ehy’eribya ukakanirya abana baghu oko Yehova. Obuli yenga, kyuwene eriteghekania ekiro eky’eribya mukigha eBiblia inywe bosi omo kihanda. Mwamabya isimuwite abana, mwanganabana endundi omwiteghekania endambi ey’erigha eBiblia yo haghuma.
WIGHE BINGYI
Ulangire amahano awo wangakolesya eriwatikya obuli mundu w’omo kihanda atoke eriyowa omo buholo n’eribya n’obutseme.
4. Ubegheraye abana baghu b’omo lwanzo
Si mwatsi molo erikangirirya abana. EBiblia yangawatikya yiti? Musome Yakobo 1:19, 20, neryo musubiraye oko mabulyo ano:
-
Ababuti bangakangania bati olwanzo omughulu bakakanaya n’abana babo?
-
Busanaki siritolere omubuti erikunga kutse erihana omwana omughulu ahitene? a
5. Uteghaye abana baghu
Eriteya abana baghu, utolere iwakania n’obuli mughuma wa kwibo oko myatsi y’engyingo kutse ey’oluteto. Erikola utya lyanganita esisoni. Mulebaye EVIDEO, neryo musubiraye oko mabulyo ano.
-
Busanaki kikakala oko babuti balebe erikania n’abana babo oko myatsi y’engyingo?
-
Abandi babuti babiritoka bati erikania n’abana babo oko myatsi y’engyingo?
Ngoko eBiblia yabya iyabiribugha kera, obubi bunemukanyirira omo kihugho kya Sitani kino. Musome 2 Timoteo 3:1, 13, neryo musubiraye oko ribulyo rino:
-
Abandu babi ab’oko abakahulawa omo mulondo 13 bakakola eby’engyingo n’abana balere. Nikwa, busanaki ni ky’omughaso ababuti erikangirirya abana babo oko eby’olubuto n’eriteyabo oko bandu abali ng’aba?
Unalwe wasi?
Abimiri ba Yehova bakahulukaya ebitsapo bingyi ebikabawatikaya erikangirirya abana babo oko myatsi y’engyingo n’eribateya oko bandu abangabakola nabi. Eky’erileberyako, ulebaye:
-
Teghaya abana baghu (video)
-
“Erikangirirya abana baghu oko myatsi y’engyingo” (Amuka! Na. 5 2016)
6. Usikaye ababuti baghu
Abana batolere ibakangania erisikya omughulu bakakanaya n’ababuti babo. Mulebaye EVIDEO, neryo musubiraye oko mabulyo ano.
-
Busanaki omwana atolere iniakangania erisikya omughulu akakanaya n’ababuti biwe?
-
Omwana angakania ati n’ababuti biwe omo nzira eyikakanganaya kw’abasikirye?
Musome Emisyo 1:8, neryo musubiraye oko ribulyo rino:
-
Omwana atolere iniayiwata ati omughulu ababuti biwe bakamukunga?
7. Muramaye Yehova haghuma omo kihanda
Omo bihanda byabo, Abimiri ba Yehova bakahiraho endambi ey’eriramya Yehova yo haghuma oko buli yenga. Eriramya ly’eka eri likakolawa liti? Mulebaye EVIDEO, neryo musubiraye oko mabulyo awakwamire.
-
Ekihanda kyangasikya kiti eprograme ey’erikola eriramya ly’eka obuli yenga?
-
Omubuti angakolaki eriramya ly’eka libye erikatsemesaya kandi eritolere?—Ulebaye epitsa eyiri oko nzuko ey’esomo eno.
-
Niki kyo kyangaleka ekihanda eribya kikigha haghuma iryakala?
Omo Israeli ya kera, Yehova iniakasaba ebihanda eribya bikakania oko masako ko butumbya. Musome Eryibuka Ebihano 6:6, 7, neryo musubiraye oko ribulyo rino:
-
Wangakolesya wuti akanuni ako?
Ebyangakolwa omwiramya ly’eka:
-
Eriteghekania emihindano y’endeko.
-
Erisoma n’erikania oko mwatsi ow’eBiblia ow’angatsemesya ekihanda kyaghu.
-
Wamabya iwukine n’abana balere, ulusaye oko jw.org kutse utsapisaye ama karte awalebirye abana.
-
Bamabya ini misuko kutse isibakiri bana balere, ukanaye nabo oko myatsi eyilebirye emisuko oko jw.org.
-
Haghuma n’abana baghu musome omwatsi mulebe w’omo Biblia omw’ilengekania kugho n’erikolagho nga ninywe mukakanibawako omo mwatsi oyo.
-
Mulebaye esyovideo esiri oko jw.org n’erikania kusyo.
ABANDU BALEBE BAKABUGHA BATI: “Kikalire oko bana eriowa ebiri omo Biblia”
-
Iwe wangabugha utiki?
MUKIGHA MYATSI YAHI?
Yehova anzire ababuti ibanza abana babo, ibabakangirirya n’eribateya; abana nabo ibasikya n’eribya bakowa ababuti babo; kandi asondire ati ekihanda ikyamuramya haghuma.
Eriyibukya
-
Ababuti bangateya n’erikangirirya abana babo bo bati?
-
Abana bangakangania bati ko basikirye ababuti babo?
-
Abosi omo kihanda bangabana ndundi yahi bamabya bakaramya Yehova yo haghuma obuli yenga?
EBINDI EBY’ERIMINYA
Ni myatsi yahi eyikendisyawatikya omwana waghu eriyiteghekania oko mughulu akasyabya mukulu?
“Emyatsi 6 eyo omwana waghu atolere erigha” (Amuka! Na. 2 2019)
Wighe oko mahano owo eBiblia ikaha abakatsunga ababuti abakulire.
“EBiblia ikabugha yitiki okwitsunga ababuti abakulire?” (Omwatsi w’oko jw.org)
Ulangire ngoko omulume oyo wabya isyasi erikulya abana biwe, mwatoka erikola atya.
Yehova mwatukangirirya ngoko twangakulya ekihanda kyetu (5:58)
Ulangira ngoko abo tata bangawatya obwira na baghala babo.
a Omo Biblia, ekinywa ‘erihana kutse erikunga’ ni bughambu erikangirirya, erisondola n’eriwatikya omundu eribindula amalengekania kutse emibere mibi. Sikiri mw’erilengya kateho kutse eritsuruma n’ahake.—Emisyo 4:1.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
