ESOMO 51
Wangatsemesya Yehova yo wuti omo mibere yaghu y’eribugha n’abandi
Omugulu Yehova atuhangyika, mwatuha ekihembo ekyuwene kutsibu, ni bughambu obutoki bw’eribugha. Ibwa, anatsomene enzira eyo tukakolesayamo ekihembo ekyo? Inga! (Soma Yakobo 1:26.) Neryo twangakolesya tuti obutoki bwetu bw’eribugha omo nzira eyikatsemesaya Yehova?
1. Twangakolesya ekihembo ky’eribugha ky’omo nzira eyuwene tuti?
EBiblia ikabugha yiti ‘Muyitsinge erisikania mutima n’erihimbana.ʼ (1 Abanya Tesalonika 5:11, NWT) Wanganalengekania oko mundu oyulaghire okwisikibwa mutima? Wangakolaki eriwatikya abali omo mibere eyo batoke eriyowa ndeke? Ubakanganaye ngoko ukabalangira mo b’omughaso. Wanganabwirabo emyatsi eyo ukatsemera kubo. Wanganalengekania oko risako eryangasubya omundu oyo wasi mutima omo nda? Hali amasako mangyi awo wangakolesya. Kandi w’ibuke ngoko enzira eyo ukakolesaya ukabugha n’omundu yanganatula oko mutima wiwe, ngebinywa ebyo ukamubwira. Neryo omughulu ukabugha n’omundu, uyikase eribugha naye omo nzira eyikakanganaya ko umutsomene, kandi n’omutima owahehere.—Emisyo 15:1.
2. Tutolere itwayihighula okwibugha ebinywa ebiri biti?
EBiblia ikabugha yiti: “Simubughe ebinywa ebitisirire.” (Soma Abanya Efeso 4:29.) Ekyo kikaminyisaya ngoko siritolere eribugha ebinywa ebituwene kutse ebitemo erikenga n’ebyangaghalya abandi. Kandi litolere itwayihighula oko lutongo n’erikania oko bandi kw’ebinywa ebituwene.—Soma Emisyo 16:28.
3. Ekyangatuwatikya eribugha ebinywa ebikahimba niki?
Ngendo nyingyi ebinywa ebyo tukabugha bikakanganaya abandi ngoko tukayowa n’ebyo tukalengekanaya. (Luka 6:45) Busana n’ekyo, litolere itwayibegherya eribya tukahira amalengekania wetu w’oko myatsi eyuwene, ni bughambu, emyatsi eyitunganene, eyibughirire, eyanganzwa n’ey’erisimwa. (Abanya Filipi 4:8) Eritoka erihira amalengekania wetu w’oko myatsi eyi, litolere itwasombola n’amenge eby’eriyitsemesyamo n’abira betu. (Emisyo 13:20) Ekindi ekikendituwatikya ly’erilengekania ndeke oko ebyo tukasonda eribugha kandi ngoko twangabughabyo. Ulengekanaye abandi nga bakendiyowa bati busana n’ebyo ukabugha. EBiblia ikabugha yiti: “Hali oyukabugha butalengekania ng’eritsimita ly’omuyali, nikwa olulimi lw’abamenge ni lamya.”—Emisyo 12:18.
WIGHE BINGYI
Wighe eribugha omo nzira eyikatsemesaya Yehova kandi eyikahimba abandi.
4. Usombole ndeke ebinywa byaghu
Itwe bosi tukanabugha ebinywa ebikaleka itwayikubya bomo enyuma. (Yakobo 3:2) Musome Abanya Galatia 5:22, 23, neryo musubiraye oko mabulyo ano:
-
Ni mibere yahi eyokwʼeyi, eyo wangasaba oMungu akuwatikaye erikulya, ikuwatikaye erisombola ndeke ebinywa byaghu? Yangakuwatikya yiti?
Musome 1 Abanya Korinto 15:33, neryo musubiraye oko ribulyo rino:
-
Abira baghu n’eby’eriyitsemesyamo byaghu byanganahindula biti emibere yaghu y’erisombola ebinywa ebyo ukakolesaya?
Ni myatsi yahi yo yangahindula emibere yaghu y’eribugha n’abandi?
Musome Omugambuli 3:1, 7, neryo musubiraye oko ribulyo rino:
-
Eribya bukutu kutse erilindirira omugulu owatolere imo wabugha omwatsi mulebe lyanganabya ly’amenge mughulu wahi?
5. Ukanaye oko bandi kw’emyatsi eyuwene
Twangayihighula tuti okwibugha ebinywa ebyangaghalya abandi kutse okw’ibakania kw’emyatsi eyituwene? Mulebaye EVIDEO, neryo musubiraye oko mabulyo awakwamire.
-
Omo video, busanaki mughala wetu oyu mwanza eribindula enzira yiwe eyo akakolesaya akakania oko bandi?
-
Mwakolaki atoke erikola esyombinduka?
Musome Omugambuli 7:16, neryo musubiraye oko ribulyo rino:
-
Litolere itwibuka mwatsi wahi omugulu twamasonda erikania oko bandi kw’ebitatolere?
Musome Omugambuli 7:21, 22, neryo musubiraye oko ribulyo rino:
-
Amasako aya angakuwatikya ati eritendihitana omughulu omundu amakukania kw’ebitatolere?
6. Ubye n’olukogho omughulu ukakanaya n’abandu b’omo kihanda kyawu
Yehova anzire itwakania n’abandu b’omo kihanda kyetu omo mibere y’olukogho n’olwanzo. Mulebaye EVIDEO, neryo musubiraye oko ribulyo erikwamire.
-
Ekyangakuwatikya erikania omo mibere y’olukogho n’abandu b’omo kihanda kyaghu niki?
Musome Abanya Efeso 4:31, 32, neryo musubiraye oko ribulyo rino:
-
Twangabugha n’ab’omo kihanda kyetu omo nzira eyikaleka ibayowa ndeke tuti?
Yehova mwakangania ngoko akayowa busana na Mughala wiwe, Yesu. Musome Matayo 17:5, neryo musubiraye oko ribulyo rino:
-
Wangigha erikwama emibere ya Yehova yo wuti omughulu ukakanaya n’abomo kihanda kyaghu?
Ubye ukasondekania ehyanya hy’erisima abandi
ABANDU BALEBE BAKABUGHA BATI: “Ngabugha ekyosi ekyo namalengekania. Sinzomene nomo abandi bangaghana eritsemera ebyo ngabugha.”
-
Wanamalighirana n’ebinywa ebyo? Busanaki?
MUKIGHA MYATSI YAHI?
Ebyo tukabugha byanganawatikya kutse ibyaghalya abandi. Litolere itwalengekania kutsibu oko ebyo tukendibugha, ngoko tukendibughabyo, n’omughulu w’eribughabyo.
Eriyibukya
-
Ni nzira syahi nyilebe esyo wangakolesyamo ebinywa utoke eriwatikya abandi?
-
Litolere iwayihighula okwibugha ebinywa byahi?
-
Ekyangatuwatikya eribya tukabugha ebinywa ebyuwene kandi ebikahimba niki?
EBINDI EBY’ERIMINYA
Ekyangatuwatikya eribugha ebinywa ebikahimba abandi niki?
Wighe ekyangakuwatikya eriyihighula okw’ibugha ebinywa ebituwene.
“Ebinywa by’obutendisikya kutse eribugha amakaku kwenene nina bibi?” (Omwatsi w’oko jw.org)
Ulebaye ngoko wangayihighula oko kitegho ky’eritonga kutse erikania oko bandi kw’ebitatolere.
Nangaleka eritonga kutse erikania oko bandi kw’ebitatolere nyiti? (2:36)
Ulangire ngoko Yehova awatikaya omulume mughuma erileka eribugha ebinywa ebituwene.
“Monatsuka eriyibulya engebe yaghe nga ikalolaya hayi” (Munara wa Mulinzi, Tarehe 1 Mwezi 8, 2013)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
