ESOMO 52
Busanaki emyambalire yetu kandi ngoko tukalangirika ni by’omughaso?
Itwe bosi twanzire eriyisombolera esyongyimba esyo tukendyambala kandi ngoko tukendiyipamba. Twamabikwama esyokanuni nyilebe sy’eBiblia, erisombola lyetu irikenditsemesya Yehova. Tukanaye oko sighuma sy’oko syokanuni esyo.
1. Ni kanuni syahi syo syangatusondola omughulu tukasombola eby’eryambala kandi ngoko tukendiyipamba?
Litolere itwasombola esyongyimba ‘esitolere, esy’olulengo n’amenge,’ kandi itwabya itun’erire n’erilangirika ngoko tuli ‘bandu abakakenga oMungu.’ (1 Timoteo 2:9, 10) Tulebaye esyokanuni 4 esikwamire: (1) Esyongyimba syetu ngambe isyabya ‘esitolere.’ Ngoko wabiriyilangirira oko mihindano y’endeko, Abimiri ba Yehova sibalyambala esyongyimba esisosene. Aliwe, esyongyimba n’erighembwa kutse erilukwa esyonzwiri bikakanganaya ngoko tusikirye oMungu oyo tukaramaya. (2) Eryambala ‘n’olulengo’ ni bughambu emyambalire yetu kandi ngoko tukalangirika isibyaleka abandi bakabya n’esyongumbu nyibi kutse eribya bakatusamalira kutsibu. (3) Tukakanganaya ‘amenge’ omughulu tutesonda erikwamirira emihanda y’omwambalo n’eyeriyipamba eyamakanyirira. (4) Litolere, emyambalire yetu n’eriyipamba lyetu ibyakangania ko tuli ‘bandu abakakenga oMungu,’ abandi balangire ngoko tukaramaya oMungu w’ekwenene.—1 Abanya Korinto 10:31.
2. Omughulu tukasombola eby’eryambala busanaki tulengekanaye nga tukendilangirwa tuti?
Nomo tunawite obwiranda bw’eriyisombolera omwambalo, litolere itwayibulya emyambalire yetu nga siyenditwikalya abandi. Tukakola ngoko twangatoka eritenditwikalya mundu wosi wosi, aliwe tukayikasa ‘eritsemesya mulikyetu busana n’erimuwatikya n’erimuhangania ndeke.’—Soma Abanya Roma 15:1, 2.
3. Emyambalire yetu yanganaleka abandi ibanza erigha eriminya Yehova yiti?
Ebiro byosi tukayikasa eryambala esyongyimba esitolere, aliwe tukayikasa kutsibu eryambala ndeke omughulu tukaya oko mihindano kutse tukayatulira. Twanzire tuti ngambe erilangirika lyetu isiryaleka abandu bakalusya obulengekania bwabo bw’oko ngulu eyo tukatwalirabo. Omo mwanya w’ekyo, emyambalire yetu n’emibere yetu y’eriyipamba byanganaleka abandi ibatsemera ekwenene kandi ‘lyanganuwania erikangirirya ly’oMungu oMulamya wetu.’—Tito 2:10.
WIGHE BINGYI
Ulebaye ngoko twangayiteya omwambalo wetu n’eriyipamba lyetu biwatikaye abandi erilangira ngoko tuli Bakristo.
Emyambalire n’eriyisugha lyetu byanganakangania nga tunakengire abawite ehamuli. Nomo Yehova akalangira ebiri omo mutima wetu, litolere erilangirika lyetu ehihya iryakangania ngoko tumusikirye
4. Emyambalire eyuwene ikasikaya Yehova
Eky’omughaso munene ekikaleka itwatsomana emyambalire yetu ni kyahi? Musome Esyonyimbo 47:2, neryo musubiraye oko mabulyo ano:
-
Eriminya ngoko tuli bimaniri ba Yehova, busanaki lyanganaleka itwayisogha ndeke oko mwatsi w’eryambala?
-
Ukalengekanaya uti kwenene ni mwatsi w’omughaso eritsomana emyambalire yetu omughulu tukaya oko mihindano y’endeko n’omughulu tukatulira? Busanaki?
5. Ekyangatuwatikya erisombola ndeke eby’eryambala kandi ngoko twangayipamba niki?
Nomo esyongyimba syetu syangabya isikaghula esyofranga nene kutse nge, sitolere isyabya isinerire kandi esitolere busana n’emibere eyo tulimo. Musome 1 Abanya Korinto 10:24 ne 1 Timoteo 2:9, 10. Neryo mukanaye oko ekikaleka itwayihighula oko syongyimba esiri . . .
-
kitya kitya, kutse esitatolere.
-
esikatumakirira kutsibu, esikakanganaya omubiri wetu, kutse esikaleka abandi ibabya n’engubu nyibi batulangira.
Nomo tutesondolibawa n’eMighambo ya Musa, yikakanganaya amalengekania wa Yehova. Musome Eryibuka Ebihano 22:5, neryo musubiraye oko ribulyo rino:
-
Busanaki siritolere itwambala esyongyimba esikaleka abakali ibasosa abalume n’abalume ibasosa abakali?
Musome 1 Abanya Korinto 10:32, 33 ne 1 Yoane 2:15, 16, neryo musubiraye oko mabulyo ano:
-
Busanaki litolere itwabya tukayibulya emyambalire yetu nga yinemutwikalya abandu balebe eyo twikere kutse omo ndeko?
-
Ni mihanda yahi y’emyambalire n’ey’eriyisugha eyikanyirire eyo wikere?
-
Ukalengekanaya uti emihanda eyo inatolere oko Mukristo? Busanaki ukabugha utya?
Twanganambala n’eriyisugha omo syonzira mbiriri-mbiriri aliwe itunatsemesirye Yehova
ABANDU BALEBE BAKABUGHA BATI: “Nyiwite ehamuli y’eryambala ngoko nyanzire.”
-
Wanamalighirana nabo? Busanaki?
MUKIGHA MYATSI YAHI?
Omughulu tukasombola ndeke eby’eryambala n’eby’eriyisughamo, tukakanganaya ngoko tukengire Yehova n’abandu.
Eriyibukya
-
Busanaki emyambalire yetu n’eriyisugha lyetu ni by’omughaso munene embere sya Yehova?
-
Ni kanuni syahi esyangatusondola omughulu tukasombola eby’eryambala n’eby’eriyisughamo?
-
Ebyo tukambala n’eriyisughamo byanganaleka abandu ibalangira eriramya ly’ekwenene lyo bati?
EBINDI EBY’ERIMINYA
Uyibulaye ekyo abandi bangalengekenia busana n’esyongyimba esyo ukambala.
Busanaki litolere itwalengekania buli embere sy’eriyisakanga oko mubiri kw’esyonzole?.
“EBiblia ikabugha yitiki okwiyisakanga oko mubiri kw’esyonzole?” (Omwatsi w’oko jw.org)
Tulebaye esindi kanuni esyangasondola eriyisogha lyetu.
Omukali mughuma oyo wabya anzire eritsemesya oMungu mwigha ati erilekera abandi b’ehamuli ey’erisombola eriyisugha ngoko banzire?
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
