ESOMO 53
Usombole eby’eriyitsemesyamo ebikatsemesaya Yehova
Yehova ni Mungu ‘w’obutseme.’ (1 Timoteo 1:11) Anzire itwabya n’obutseme kandi itwatsemera engebe. Akatsema akalangira tukaleka erikola omubírí omo mughulu mulebe neryo itwaluhuka n’eriyitsemesya. Omo somo eno, tukendilangira ngoko twangakolesya ndeke akatambi ketu ak’eriyitsemesyamo, kandi omo nzira eyikatsemesaya Yehova.
1. Litolere itwalengekania okuki omughulu tukasombola eby’eriyitsemesyamo?
Ekyo wanzire erikola niki omughulu ukaluhuka n’eriyitsemesya? Abaghuma bakanza erilabya akatambi kabo ak’eriyitsemesyamo ibanatulere eka wabo. Banzire erisoma ebitabu, erihulikirira omuzike, erilebya esyofilme kutse erilebya emyatsi y’oko enternete. Abandi banzire erilabya endambi haghuma n’abira babo, eriyalendera, eriyanabira omo lushi kutse eritsanga oko bitsange mbiriri-mbiriri. Nomo twangayitsemesya omo nzira yahi, litolere itwasombola eby’eriyitsemesyamo ‘ebikatsemesaya oMukama.’ (Abanya Efeso 5:10) Ni ky’omughaso munene eriminya ekyo kundi munabwire eby’eriyitsemesyamo bingyi birimo emyatsi eyo Yehova aponire ng’amalwa, emyatsi y’obusingiri, n’emyatsi y’esyombinga. (Soma Esyonyimbo 11:5.) Ekyangatuwatikya erisombola ndeke eby’eriyitsemesyamo niki?
Twamasombola abandu abanzire Yehova mo bira betu, banganatuwatikya erikola ebyuwene n’erisombola eby’eriyitsemesyamo ebyuwene. Ngoko twigha omo somo nguma, “oyukalendera n’abandu b’amenge naye asyabya w’amenge.” Oko lundi luhande, twamabya n’abira abatanzire esyokanuni sya Yehova, ‘itukasyakwa.’—Emisyo 13:20.
2. Busanaki ni ky’omughaso munene eriyihirira h’olulengo lw’endambi eyo tukalabaya tukayitsemesya?
Nomo emyatsi eyo tukasombola eriyitsemesyamo yanganabya iyuwene, litolere itwayiteya isitwalabaya oko myatsi eyo kw’endambi nene kutsibu. Twamabilabya endambi nene tukayitsemesya, itukendibula endambi ey’erikola mw’eyindi myatsi ey’omughaso munene. EBiblia yikatubwira yiti ‘isitwalabaya endambi yetu yo buyira.’—Soma Abanya Efeso 5:15, 16.
WIGHE BINGYI
Wighe ngoko wangasombola ndeke emyatsi ey’eriyitsemesyamo.
3. Uyihighule oko eby’eriyitsemesyamo ebituwene
Busanaki litolere itwasombola ndeke eby’eriyitsemesyamo? Mulebaye EVIDEO, neryo musubiraye oko mabulyo awakwamire.
-
Ebitsange eby’omo Roma ya kera bisosire biti eby’eriyitsemesyamo bilebe bya munabwire?
-
Omo video, Danny mwakighaki oko myatsi ey’eriyitsemesyamo?
Musome Abanya Roma 12:9, neryo musubiraye oko ribulyo rino:
-
Omulondo ono anganakuwatikya ati erisombola eby’eriyitsemesyamo ebyuwene?
Ni myatsi milebe yahi eyo Yehova aponire? Musome Emisyo 6:16, 17 na Abanya Galatia 5:19-21. Enyuma sy’erisoma obuli risako, musubiraye oko ribulyo rino:
-
Ni myatsi yahi eyikakanibawako omo milondo eyi eyikabanika kutsibu omo eby’eriyitsemesyamo bya munabwire?
Ngoko wangasombola ndeke eby’eriyitsemesyamo
Yibulaye:
-
Ekyo ngayitsemesayamo kino, kinemo omwatsi owo Yehova aponire?
-
Kikalya endambi ey’erikola mw’eyindi myatsi y’omughaso?
-
Kikaleka inalabya endambi n’abandu abatanzire Yehova oko mughulu mulebe kutse butumbya?
Ni ky’omughaso eriyikasa eriyihighula ngoko twangatoka oko myatsi yosi eyangatuhutalya. Busana n’ekyo, litolere itwayihighula oko eby’eriyitsemesyamo ebyo twamalangira isibitolere okwitwe.
4. Ukolesaye endambi yaghu yo ndeke
Mulebaye EVIDEO, neryo musubiraye oko ribulyo erikwamire.
-
Nomo omo video, mughala wetu syabya akalangira emyatsi eyituwene, aliwe ekyabya kimukalireko niki?
Musome Abanya Filipi 1:10, neryo musubiraye oko ribulyo rino:
-
Omulondo ono angatuwatikya ati eriminya nga tukendibya tukalabya ndambi nyingahi omwiyitsemesya?
5. Usombole eby’eriyitsemesyamo ebyuwene
Nomo emyatsi milebe ey’eriyitsemesyamo siyiritsemesaya Yehova, hane emyatsi mingyi eyikamutsemesaya. Musome Omugambuli 8:15 na Abanya Filipi 4:8, neryo musubiraye oko ribulyo rino:
-
Ni mwatsi wahi ow’eriyitsemesyamo owo wanzire kutsibu?
Wanganatsemera eby’eriyitsemesyamo ebyuwene
ABANDU BALEBE BAKABUGHA BATI: “Sihali mbugha eriyitsemesya omo myatsi eyirimo amalwa, emyatsi y’obusingiri kutse emyatsi y’esyombinga namabya isindikolayo.”
-
Wangasubirya utiki?
MUKIGHA MYATSI YAHI?
Yehova anzire itwasombola eby’eriyitsemesyamo ebyuwene.
Eriyibukya
-
Ni by’eriyitsemesyamo byahi ebyo Abakristo batolere ibayihighulako?
-
Busanaki litolere itwayiteya oko ndambi eyo tukalabaya omo myatsi y’eriyitsemesyamo?
-
Busanaki wanzire erisombola eby’eriyitsemesyamo ebikatsemesaya Yehova?
EBINDI EBY’ERIMINYA
Uminye nga nindi yuli n’omuheke w’eritusombolera eby’eriyitsemesyamo.
Ulebaye ekyangakuwatikya erisombola ndeke eby’eriyitsemesyamo.
“Eriyitsemesya lyaghu likanakuletera endundi?” (Mnara wa Mlinzi, Oktoba 15, 2011)
Omo mwatsi “Monayihighula oko kasololo,” ulangire ekyaleka omulume mughuma iniabindula emyatsi eyo abya akayitsemesyamo.
“EBiblia ikabindula esyongebe sy’abandu.” (Mnara wa Mlinzi, Februari 1, 2010)
Ulangire ngoko koyo mughuma ayihighula oko eby’eriyitsemesyamo ebiswiremo emyatsi y’emirimu.
Uyihighule oko eby’eriyitsemesyamo ebiswiremo emyatsi y’esyombinga (2:02)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
