ESOMO 57
Wangakolaki wamakola erilolo erikalire?
Nomo wanganabya iwunanzire Yehova yo kutsibu kandi iwunemuyikasa eritendimuhitania omo mwatsi wosi wosi, oko kandi katambi wanganamukosera. Aliwe, amalolo asighene. Hane awakalire kulenga awandi. (1 Abanya Korinto 6:9, 10) Wamabikola erilolo erikalire, w’ibuke ngoko Yehova akinakwanzire; anzire erikughanyira n’erikuwatikya.
1. Tutolere itwakolaki tutoke erighanyirwa na Yehova?
Abandu abanzire Yehova bakakwa obulighe bunene omughulu bakaminya ngoko bamabikola erilolo erikalire. Aliwe bakasunga erikiranibwa ly’omo binywa ebyo Yehova alagha abandu biwe: “N’omo ebibi byenyu byangabya ng’engula, byasyabya byeru ng’enzururu.” (Isaya 1:18) Twamabindula omutima n’eritsira kwenene kwenene amalolo wetu, Yehova iniakenditughanyira. Tukabindula omutima wetu wo tuti? Tukayikubaya bw’omo busana n’omwatsi mubi owo twakola, neryo ekyo kikatukuna erileka erikola ebibi n’erisaba Yehova y’obughanyiri. Neryo tukayikasa eribindula amalengekania wetu mabi n’emibere mibi eyatukuna erikola ekibi, n’eriyikasa erikwama esyokanuni sya Yehova esy’emighendere omo ngebe yetu.—Soma Isaya 55:6, 7.
2. Yehova akakolesaya ati abasyakulu b’endeko erituwatikya omughulu twamakola erilolo?
Twamabikola erilolo rilito, Yehova akatusaba “eribirikira abasyakulu b’endeko.” (Soma Yakobo 5:14, 15, NWT.) Abasyakulu b’endeko aba banzire Yehova n’esyombuli siwe. Ni balume abatolere erituwatikya eritasyasubira obwira bwetu obuwene haghuma na Yehova.—Abanya Galatia 6:1.
Twamabikola erilolo erikalire, abasyakulu b’endeko bakatuwatikaya bati? Abasyakulu babiri kutse abasatu bakatuwatikaya omw’ikolesya amahano w’eBiblia. Kandi bakatubwira emyatsi y’erikola n’emyatsi eyangatuwatikya eritendisubirira erikola erilolo. Banganatukakirya erikola emibírí milebe y’omo ndeko erihika oko mughulu owo tukasyasubira obwira obuwene haghuma na Yehova. Busana n’eriteya endeko, omughulu omundu akakola erilolo erikalire butsira eribindula omutima wiwe n’eritsira erikola amalolo, abasyakulu bakamuhigha omo ndeko.
WIGHE BINGYI
Ubye n’erisima busana n’enzira eyo Yehova akakolesaya erituwatikya omughulu tukakola erilolo erikalire.
3. Eribisula amalolo wetu likatuwatikaya eritasyabya n’obwira obuwene haghuma na Yehova
Obuli rilolo eryo tukakola likahitanaya Yehova, neryo litolere itwabisula kwenene kwenene amalolo wetu. Musome Esyonyimbo 32:1-5, neryo, musubiraye oko ribulyo rino:
-
Busanaki ni ky’omughaso eribisulira Yehova y’amalolo wetu kulenga kw’eribisawo?
Kandi eribisulira Yehova y’amalolo wetu, likaleka itwayowa ndeke omughulu tukarondaya obuwatikya bw’abasyakulu b’endeko. Mulebaye EVIDEO, neryo musubiraye oko ribulyo erikwamire.
-
Omo video, abasyakulu b’endeko mobawatikya bati Canon erisubira Yehova?
Tutolere itwabwira abasyakulu b’endeko b’emyatsi yosi eyilebirye erilolo eryo tulyakola; banzire erituwatikya. Musome Yakobo 5:16, n’erisubirya oko ribulyo rino:
-
Busanaki abasyakulu b’endeko erituwatikya likoloba twamabwirabo emyatsi yosi eyilebirye erilolo eryo tulyakola?
Ubisule amalolo waghu, ubwire abasyakulu b’endeko b’emyatsi yosi, n’eriligha obuwatikya bwa Yehova obw’olwanzo
4. Erihigha omukola-nabi y’omo ndeko likamuwatikaya n’eriteya endeko
Omundu oyulyakola erilolo erikalire amaghana erighendera oko syokanuni sya Yehova sy’emighendere, anganahighwa omo ndeko. Akabya abihighwa omo ndeko, sitwangatasyakola naye obunywani kutse erikania naye. Musome 1 Abanya Korinto 5:6, 11 ne 2 Yoane 9-11, neryo musubiraye oko ribulyo rino:
-
Ngoko ekihamya kutse e levire ikatsatsaya obundu bw’omukati, erikola obunywani n’omundu oyulyahighawa omo ndeko lyanganatsandya liti endeko?
Abandu bangyi abahighawa omo ndeko mobasubira Yehova busana n’erikungwa eryo, nomo banakwa obulighe busana nalyo, mokyabawatikya eriminya ngoko ekyo bakola kyabya kibi. (Esyonyimbo 141:5) Mukwame EVIDEO, neryo musubiraye oko ribulyo erikwamire.
-
Omo video eno, erihighwa omo ndeko molyawatikya Sonja yo liti?
Endegheka y’erihigha omukola-nabi y’omo ndeko . . .
-
yikahalamba yiti erina lya Yehova?
-
yikakanganaya yiti ngoko Yehova ni Mungu w’amenge n’ow’olwanzo?
5. Twamabindula emitima yetu n’eritsira amalolo wetu Yehova akatughanyira
Yesu mwakolesya omusyo mughuma owakatuwatikaya eriminya ngoko Yehova akayowa omughulu omukola-nabi amabindula omutima wiwe. Musome Luka 15:1-7, neryo musubiraye oko ribulyo rino:
-
Omwatsi oyo amakwighisyaki oko Yehova?
Musome Ezekieli 33:11, neryo musubiraye oko ribulyo rino:
-
Ni myatsi yahi y’omughaso yo yikakanganaya eribindula omutima ly’ekwenene?
Ngoko omulisya akakola, Yehova atsomene kutsibu esyombuli siwe
ABANDU BALEBE BAKABUGHA BATI: “Ngubaha nyiti namabibwira abasyakulu b’erilolo eryo nyiryakola, ibakendinyihigha omo ndeko.”
-
Wangawatikya wuti omundu oyuli n’amalengekania awali ng’ayo?
MUKIGHA MYATSI YAHI?
Twamabikola erilolo erikalire neryo itwasaba obughanyiri erilua oko mutima n’eriyisogha eritendisyakola ebibi, Yehova iniakenditughanyira.
Eriyibukya
-
Busanaki ni ky’omughaso eribisulira Yehova y’amalolo wetu?
-
Tutolere itwakolaki imotwaghanyirwa amalolo wetu?
-
Twamabikola erilolo erikalire, busanaki litolere itwarondya obuwatikya bw’abasyakulu b’endeko?
EBINDI EBY’ERIMINYA
Wighe ngoko omulume mughuma aminya Yehova kw’ali mughanyiri ngoko kisakire omo Isaya 1:18.
Endegheka y’erihigha omukola-nabi y’omo ndeko ikawatikaya yiti?
Ulangire ngoko wangakanirya oyute Mwimiri wa Yehova omundu ng’akahighawa omo ndeko mo busanaki.
Omo mwatsi “Lyabya litolere inasubira Yehova,” wighe ekyaleka omulume mughuma oyo wabya iniabirihera oko kwenene iniayowa ati Yehova amatasyamukura amusubire.
“EBiblia ikabindula esyongebe sy’abandu” (Munara wa Mulinzi, Tarehe 1 Mwezi wa 4, 2012)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
