Ninatolere?
Ninatolere erihubirya n’endeko?
Wanganaminya nga unatolera eribya mutuliri oyutewabatisibwa wamabya . . .
Uwukigha eBiblia, erisaba, n’erihika oko mihindano y’endeko butsirileka.
Iwanzire n’erikirirya emyatsi eyo ukigha n’eribya ukakaniryayo abandi.
Iwanzire Yehova n’erisombola abandu abamwanzire mo bira baghu.
Isiwukiri omo byama by’ekipolitike kutse isiwukiri omo kisomo kilebe ky’amabehi.
N’emibere eyihambene n’esyokanuni sya Yehova sy’emighendere n’eryanza eribya mughuma w’oko Bimiri ba Yehova.
Wamalangira une tayari erihubirya n’endeko, omughalima waghu w’eBiblia anganabwira abasyakulu b’endeko batoke erikania naghu n’erikubwira ebyo wangatasyakola.
Ninatolere eribatisibwa?
Wanganaminya nga unatolere eribatisibwa wamabya . . .
Iwabiribya mutuliri oyutewabatisibwa.
Iwukatulira ngoko wangatoka butumbya.
Iwukawatikaya “omughombe mutaleghula n’ow’amenge” n’erikwama obusomboli bwiwe.—Matayo 24:45-47.
Iwabiriyiherera oko Yehova omo musabe n’erianza erimukolera kera na kera.
Wamalangira unatolere eribatisibwa, omughalima waghu w’eBiblia anganabwira abasyakulu b’endeko batoke erikania naghu n’erikubwira ebyo wangatasyakola.
