ERIYIRA ABIGHA
ESOMO 10
Ubye n’omuhwa
Akanuni: “Twabya twanzire erisangira nenyu, butsira engulu yuwene iyoyene, nikwa n’esyongebe syetu nibya. Mwabya banze betu kutsibu.”—1 Tes. 2:8.
Ngoko Yesu akola ekyo
1. Ulebaye EVIDEO, kutse usome Yoane 3:1, 2. Neryo ulengekanaye oko mabulyo awali ahikwa hano:
-
Niki ekyangabya ikyo kyaleka Nikodemo inianza erisyasungana na Yesu omo kiro?—Lebaya Yoane 12:42, 43.
-
Yesu mwakangania ati ngoko awite omuhwa w’eriyira abigha akasungana na Nikodemo omo kiro?
Ekyo Yesu akola kikatwighisayaki?
2. Kundi twanzire abandu, twanzire kutsibu eribawatikya eribya bigha.
Ukole nga Yesu
3. Ubye ukigha n’omwigha waghu oko ndambi eyangaleka inigha ndeke n’omo mwanya owangaleka inigha ndeke. Anganasombola ekiro kilebe ky’eyenga kutse ndambi nyilebe. Ni hayi aho angighira ndeke? Aho akakolera, eka wiwe, kutse ahandi? Kyamatokekana ubindule eprograme yaghu imwatoka erigha oko ndambi n’omo mwanya owakendimuwatikya.
4. Isimwalabaya ebiro binene butsira erigha. Wamabya isiwendisungika, isiwamubwira uti simwendigha:
-
Mbino wanganigha naye ekindi kiro aliwe iko n’oko yenga eyo?
-
Mwanganigha erilabira etelefone kutse erilabira vidéoconférence?
5. Usabe Yehova akuhe amalengekania awatolere. Usabe Yehova akuwatikaye eribya n’omuhwa w’eriwatikya omwigha, nibya omundu oyo nomo anganabya isyalibana endambi yo mughulu wosi kutse nomo isyalikolesaya luba ebyo akigha. (Filip. 2:13) Omwigha waghu anganabya iniawite emibere mingyi eyuwene. Usabe Yehova akuwatikaye erilangira emibere yiwe eyo.
LEBAYA N’OMO
Emi. 3:27; Emib. 20:35; 2 Kor. 12:15
