ERIYIRA ABIGHA
ESOMO 11
Erikangirirya omo nzira eyolobire
Akanuni: “Wamabibugha omo misindo-misindo y’ebinywa ebitaminyikere ndeke, abandu basyaminya bati ebyo ukabugha kwehi?”—1 Kor. 14:9.
Ngoko Yesu akola ekyo
1. Lebaya EVIDEO, kutse usome Matayo 6:25-27. Neryo ulengekanaye oko mabulyo awali ahikwa hano:
Ekyo Yesu akola kikatwighisayaki?
2. Twamabikangirirya omo nzira eyolobire, abandu ibakendyibuka ebyo tulyabakangiriraya, kandi itukenditula oko mitima yabo.
Ukole nga Yesu
3. Isiwabya ukabugha binene. Isiwakanaya ebyosi ebyo wasi oko mwatsi mulebe, aliwe ukanaye oko mwatsi ogho mukigha omo kitabu ekyo. Wabibulya eribulyo, ulinde omwigha asubiraye. Amabya isyawite ekisubiryo kutse amabibugha ebitahambene n’eBiblia, ukolesaye awandi mabulyo awakendimuwatikya erilengekanaia oko mwatsi oyo. Omwigha waghu amabyowa enzumwa imwalu imwalaba.
4. Uwatikaye omwigha erihambania emyatsi mihya eyo akigha n’eyo abirigha. Ng’eky’erileberyako, embere sy’eritsuka esomo eyikakanaya okw’ilubuka, omo kikuhi wanganatsuka erikania oko bilebirye abaholi ebyo mwigha waghu abirigha.
5. Ukolesaye ndeke eby’erileberyako. Embere sy’erikolesya eky’erileberyako, yibulaye: