ERIYIRA ABIGHA
ESOMO 12
Ubye mutubaha
Akanuni: ‘Amaghuta n’ebikakumba ndeke bikatsemesaya omutima; erisiha ly’obwira erikalua omw’ihana ly’omutima ko liri ritya.’—Emi. 27:9.
Ngoko Yesu akola ekyo
1. Ulebaye EVIDEO, kutse usome Mariko 10:17-22. Neryo ulengekanaye oko mabulyo awali ahikwa hano:
Ekyo Yesu akola kikatwighisayaki?
2. Litolere itwakangania olwanzo tukakania n’omundu, aliwe kandi isitwasagha eribwira omwigha aho atolere eryuwania, obwira bwiwe na Yehova bulole embere.
kole nga Yesu
3. Uwatikaye omwigha ayihirireho ebyo akalandamirira n’erihikirabyo.
-
Ukolesaye akatsweka “Ekyo wangakola” akali omo buli somo y’ekitabu Tsemera engebe kera na kera!
-
Uwatikaye omwigha waghu erilangira emyatsi eyo angakola eyikasaba omughulu mukuhi n’eyikasaba omughulu muli.
4. Litolere iwaminya emyatsi eyikaleka omwigha waghu inyatakula bunya-kirimu, neryo uwatikaye omwigha waghu oyo erikinda ebikakiryo ebyo.
-
-
‘Ekikaleka omwigha waghe inyatahika okw’ibatisibwa niki?’
-
‘Nangamuwatikya niti?’
-
-
Usabe Yehova akuhe obutubaha bw’eribwira omwigha waghu yo burora-rora kandi omo lwanzo ekyo atolere inyakola.
5. Omwigha amabya isyalikula bunya-kirimu iwamuleka.
-
Amabulyo ano akendikuwatikya eriminya omwigha waghu ng’anemulola embere:
-
‘Omwigha anemukolesya ebyo akigha?’
-
‘Akanahika oko mihindano kandi anemubwira abandi oko ebyo akigha?’
-
‘Amabya iniamabibugha mughulu muli inianemwigha, ananzire eribya Mwimiri wa Yehova?’
-
-
Omwigha waghu amabya isyanzire erilola embere:
-
Umubwire uti alengekanaye oko kyangabya ikikamukakiraya.
-
Omo bolo-bolo umubwire ngoko simwendisyabya mukigha n’erimubwira ekikaleka.
-
Umubwire ebyo atolere iniakola embere utasyatsuka eribya ukigha naye.
-
