ERITSUKISYA OMUKANIA
ESOMO 5
Ukolesaye amenge
Akanuni: “Erikania lyenyu libye omo lukogho.”—Kol. 4:6.
Ngoko Paulo akola ekyo
1. Ulebaye EVIDEO, kutse usome Emibiri 17:22, 23. Neryo ulengekanaye oko mabulyo awali ahikwa hano:
-
Paulo mwayowa ati omughulu alangira eriramya ry’amabehi eryabya rikakoleka omo Atene?—Lebaya Emibiri 17:16.
-
Omo mwanya w’eritsweba Abanya Atene, omo menge Paulo mwakolesya ati emyatsi eyo bikirirye atoke eribatulira engulu mbuya?
Ekyo Paulo akola kikatwighisayaki?
2. Abandu banganatuhulikirira ndeke twamabisombola ebyo tukabugha, kandi nga tukendibibugha mughulu wahi, n’enzira eyo tukendikolesya.
Ukole nga Paulo
3. Usombole ndeke ebinywa byaghu. Ng’eky’erileberyako, omughulu ukakanaya n’omundu oyutasi amakangirirya w’eKikristo, wanganakolesya eyindi nzira ukakania oko Biblia kutse usonda eryahula Yesu.
4. Isiwabya ukaghania omundu yo luba-luba. Umuhe obwiranda bw’eribugha. Amabibugha omwatsi owatahambene n’ebyo eBiblia yikakangiriraya, isiwakuba naye obuhaka. (Yak. 1:19) Wamamuhulikirira, ighukendiminya ebyo ikirirye n’ekikaleka inyikiriryabyo.—Emi. 20:5.
5. Kyamatolera, umusime n’erilighirana naye oko ebyo amabugha. Anganabya inyikirirye kundu ngoko ebyo ekisomo kiwe kikakangiriraya ni by’ekwenene. Utsuke wasondya omwatsi ogho inywe bosi mukahuliriranako, n’enyuma waho iwamuwatikya lyolo-lyolo eryowa ebyo Biblia ikakangiriraya.
