Isiwaluha eriwatikya omundu

CHINGULA

Akanuni: “Mubatumbya erikangirirya n’eritula engulu yuwene.”—Emib. 5:42.

Ngoko Paulo akola ekyo

EVIDEO: Paulo mwataluha eritulira Abanya Efeso

1. Ulebaye EVIDEO, kutse usome Emibiri 19:8-10. Neryo ulengekanaye oko mabulyo awali ahikwa hano:

Omo mwanya w’erileka eritulira omughulu abandi baghana omwatsi wiwe, Paulo mwakangania ati omutima w’eritendiluha akawatikya abanzisibwe?
Paulo inyakasubira abalyanzisibawa bo ngendo singahi, kandi muhalaba mughulu mungahi inyanemubasubira?

Ekyo Paulo akola kyamatwighisyaki?

2. Litolere itwakolesya endambi n’akaghala tutoke erisubira ndeke abandu n’eritsukisya amafunzo we Biblia.

Ukole nga Paulo

3. Ubye ukasubira abandu oko ndambi yabo eyo banzire. Yibulaye: ‘Endambi eyitolere ey’erisungana nayo ye yahi? Angabya inyayiteghekire erikania naghe oko ndambi yahi kandi hayi?’ Endambi nomo yangabya isiyahambene n’endambi yaghu, litolere iwabya ukasungana naye oko ndambi yiwe.

4. Mulaghane ekiro mukendisyasyasungana. Oko buli mwiso w’omukania, mulighirane oko ndambi eyo mukendisyasyasunganako. Ukole ngoko munalyalighirana.

5. Isiwatwa amaha. Omundu oyutebanika ewiwe kutse oyutebana endambi mughulu wosi, isiwalengekanaya uti syanzisibwe. (1 Kor. 13:4, 7) Uyikase eribya ukasubira omundu oyo, aliwe kandi ighunemukolesya ndeke endambi yaghu.—1 Kor. 9:26.

LEBAYA N’OMO

Emib. 10:42; 1 Kor. 9:22, 23; 2 Kor. 4:1; Gal. 6:9

WANZE ABANDU—UYIRE ABIGHA