Omo mwaka we 2023 owamabitsuka ono, itwe bosi tukayisunzira ebibuya okw’ite n’oko abandu ab’omo bihanda byetu. Busanaki twanganayiketera ebyuwene omo biro ebikasa?

 EBiblia ikatubwira engulu eyuwene yiti amaligho agho tukalabamo munabwire akendihwaho lino-lino. Oko kwenene, eBiblia “yasakawa busana nʼeritukangirirya, neryo Amasako akatuha. . . erihanda omutima, itwatoka eribya nʼamaha.”​—Abanya Roma 15:4.

•   Eriminya bingyi oko myatsi eyo eBiblia ikalagha, usome omwatsi “Eriyiketera ly’ekwenene ly’ebiro ebikasa ebyuwene.”

 Eriyiketera kutse amaha awali omo Biblia “akasikaya emitima yetu.” (Abaebrania 6:19) Eriyiketera eryo likatuwatikaya eriyiyinia omo maligho wetu wa lino, eribya n’amalengekania awuwene n’obutseme obute bwangahwa. Leberaya oko bino:

•   Langira ngoko eriyiketera erikabanika omo Biblia mulyawatikya omulume mughuma eriyihighula oko mutsye mubi. Lebaya evideo Engebe eyo nabyamo muyanyiluhya.

•   Langira ngoko eriyiketera erikabanika omo Biblia lyanganatuwatikya omughulu twamaholerwa. Lebaya evideo Obukirania oko abalyaholerawa.

 Abandu bangyi bakayisunzira ebibuya omo biro ebikasa, aliwe sibasi kwenene-kwenene emyatsi nga yasyabaghendera ndeke. Aliwe ebyo Biblia ikalagha si by’eritika-tikira. Busanaki? Kundi esyondaghane esiri omo Biblia sikalua oko Yehova Mungu a iyuwene-wene, “oyutebiha.” (Tito 1:2) Yehova musa yuli n’obutoki bw’eriberererya ebyo akalagha; anganakola ebyosi “ebyo anzire.”​—Esyonyimbo 135:5, 6.

 Twamakukokya naghu eribana endundi omo eriyiketera ry’ekwenene erikabanika omo Biblia. Wanganayilangirira ngoko eriyiketera eryo si nzoli ‘omwisondya omo masako.’ (Emibiri 17:11) Utsuke erigha netu eBiblia butsira eriliha utoke eritsuka omwaka 2023 ighune n’eriyiketera erisikire!