Omo tututu y’ekiro ky’eKwanza, 10 oMwisi wa 10, 2022 oBurusi mubwaghusire amamisile w’oko miyi mingyi y’omo kihugho kye Ukraine. OBurusi mubwakola butya kundi habya ihamabilaba ebiro bibiri e Ukraine iyamabitsandya ekilalo kikulu ekikamatanaya ekihugho ky’oBurusi n’e Crimée byo haghuma. Emyatsi eyo moyakolekire ihamabilaba biro bike abandu b’epolitike balebe ibamabibugha bati alinga e Harmagedoni yiri hakuhi eritsuka.

•   “Eritsuka omughulu wa [Mutabali we Amerika John F.] Kennedy n’Amalwa we Cuba aw’emisile situlitwatabya tutya hakuhi ne Harmagedoni . . . Ngalengekanaya sikyangatatokekana abandu ibakolesya esyombundu sy’enyuklia syo bweghu-bweghu batya n’ekyo ikitatukolya oko Harmagedoni.”​—U.S. President Joe Biden, 6 oMwisi wa 10, 2022.

•   “Ngalengekanaya, erikolesya esyombundu sy’enyuklia lyanganatukolya oko Harmagedoni omo biro ebite bya hali; ekihugho kyosi kiri omo bwiko.”​—Omu Presida we Ukraine ye Volodymyr Zelensky, abugha ebyo omughulu abulibawa oko bitsibu ebyangaluira omwikolesya esyombundu sy’enyuklia, BBC News, 8 oMwisi wa 10, 2022.

 Erikolesibwa ly’esyombundu sy’enyuklia lyo lyangasyasondola abandu b’oko Harmagedoni? Ebiblia ikabugha yitiki?

 Iyehe. Ekinywa “Harmagedoni” kikabanika omo Biblia mo ngendo nguma nyisa, omo kitabu ky’Eribisulirwa 16:16. Ekinywa ekyo sikirimaanisaya amalwa w’ebihanda. Omulondo oyo akakaniraya oko malwa w’oMungu “n’Abami b’ekihugho kyosi.” (Eribisulirwa 16:14) OMungu akendisyakolesya amalwa we Harmagedoni eribughaho obutabali bw’abandu.​—Danieli 2:44.

 Wamasonda eriminya bingyi oko Harmagedoni, usome omwatsi ono: Amalwa we Harmagedoni niki?

 Iyehe. OMungu syendisyalighira ekihugho kikatsandibwa, nomo abandu banganasyakolesya esyombundu sy’enyuklia omo biro ebikasa. EBiblia ikabugha yiti:

•   “Ekihugho kikakota [kikendisyabyaho kera na kera.]”—Omugambuli 1:4, nwt.

•   “Abatunganene basyikala omo kihugo mo buholo, Nʼerisigalyakyo kera na kera.”​—Esyonyimbo 37:29.

 Aliwe, obuminyereri bw’eBiblia n’emyatsi eyo tunemulolako munabwire bikakanganaya ngoko omo biro ebiri hakuhi hakendibya amabindulikania manene omo historia y’abandu. (Matayo 24:3-7; 2 Timoteo 3:1-5) Lebaya ebyo eBiblia ikabugha oko biro ebikasa omw’igha eBiblia butsir’iliha omo nzira y’erikanirania.