Omo mulaghe w’oMwisi 6 2022, omukulu w’Ekitunga kye Bange y’omo Kihughu kyosi mwabughire ati “Emyatsi y’esyofranga omo kihugho kyosi siyitekene kandi kitya-kitya. Ebeyi y’ebindu inemulw’iyapanda kutsibu, ibwa n’abandu bawite oko syofranga nge esyo bangakolesya.”

 Ekitunga ky’Esyofranga sy’erikolesya omo kihugho kikabugha kiti “Ebeyi y’akalyo n’eye esase n’awandi maghunda w’emitoka n’ebindi, yabirilw’iyapanda, n’ekyo kyabiryaghalia kutsibu-tsibu ebihugho byera.

 EBiblia ikakanganaya ekikaleka emyatsi y’esyofranga ng’eyi eyikalire nga yikatuhikira busanaki, nga twangalwa nayo tuti, kandi nga hali eriyiketera lyahi okw’isyabugha y’oho olosi.

•   EBiblia ikahula omughulu ogho tulimo ono mo ‘biro by’enduli.’​—2 Timoteo 3:1.

•   Yesu mwabugha ati “eriubahirirya,” kutse emyatsi eyikubahisaya yangabere omo mughulu ono. (Luka 21:11) Ebeyi y’ebindu eripanda likubahisaya. Abandu bakahanga-hangaya busana n’ebiro ebikasa n’eriyibulya nga banemwendisyatoka eriha ab’omo bihanda byabo ebyo balaghireko.

•   Ekitabu ky’Eribisulirwa mokyabugha embere ngoko ebeyi y’akalyo ikendisyapanda omo mughulu ono. “Monowa owali nga mulenge. . . ati, ‘Akahande kaghuma k’oko hini hy’akalengi k’engano kutse ehihande hisatu hy’oko hini hy’akalengi k’ekisusu hyasyabya buhingyi b’omusibo wosi”​—Eribisulirwa 6:6, erikwamana n’eBiblia y’eKingereza Easy-to-Read Version.

 Wamasonda eriminya bingyi oko ‘biro by’enduli’ n’obuminyereri b’omo kitabu ky’Eribisulirwa, ulebaye evideo Ekihugho kyabiribinduka eritsuka oko mwaka 1914 n’erisoma omwatsi ono: “Abakaghendaya esyobayiri ini​—Ni bahi?”

•   “Kandi basyahimba amanyumba nʼerikala mugo. Basyahera amalima wʼebinyu nʼerirya ebiguma byago. Sibendisyahimba, nʼogundi akikala muyo. Sibendisyabiba nʼogundi akalyabyo.”​—Isaya 65:21, 22.

•   “Engano yasyabyaho nene omo kihugo; nʼehitwa hyasyusula mwʼebyalya.”​—Esyonyimbo 72:16.

•   “Yehova ati ‘Kusangwa abʼobwaga bakanubibawa, Nʼabakendereribawa bakasimba eriagalwa. Nasyahabo Obuholo obo bakasonda!”​—Esyonyimbo 12:5. a

 Omo biro bya sesene, oMungu akendibughaho esyombanza syosi sy’eribulirwa esyofranga, butsira omo kihugho kighuma kisa aliwe ehosi omo kihugho. Wamasonda eriminya ng’akendikola ekyo ky’ati, usome omwatsi: “Eribulirwa esyofranga linemwendisyahwa?”

 Aliwe, nibya na munabwire, eBiblia yanganakuwatikya eritendihangya-hangya busana n’ebeyi y’ebindu eripanda. Yiti? Yirimo amahano awakakanganaya ngoko omundu angakolesya esyofranga n’amenge. (Emisyo 23:4, 5; Omughambuli 7:12) Wamasonda eriminya bingyi, usome emyatsi eno: “Uteghaye aho ukabana eky’erirya” na “Wangakola wuti wamabya n’esyofranga nge.”