Emyatsi y’epolitike ikaghaba abandu omo kihugho kyosi. Erikwesa-kwesa elyakolawa omo 2022 n’ekitunga ekye Pew Research Center mulyangangania ngoko 65% y’abandu abakulire abali omo bihugho 19 bakabugha bati abandu abakimira ebitunga mbiriri-mbiriri by’epolitike by’omo bihugho ebyo sibalihulikirirana erihika oko kika ky’eriponana kutsibu.”

 Eyo wikere, wanabiriyilangirira ngoko emyatsi y’epolitike yinemulola embere erighaba abandu? Emyatsi yikabya yitya busanaki? Yinemwendisyuwana kwe? Lebaya ebyo eBiblia ikabugha.

 EBiblia moyabugha embere ngoko omo biro byetu, ni bughambu omo “biro by’enyuma-nyuma,” abandu bangyi basyabya n’emibere y’erighabana.

•   “Oko biro by’enyuma-nyuma hasyabya emigulu ikalire. Kusangwa abandu basyabya abakayanza, . . . Isibeganyira.”—2 Timoteo 3:1-3.

 Nomo abandu bangyi banemuyikasa eriwatikya eleta, emyatsi tu inemulola embere eritsanda. Kundi isibakwamene omo malengekania, abandu bakataluka erikola kughuma busana n’eribughaho emyatsi mibi eyikatwaghalaya. Ekyo kikaberereraya ebyo eBiblia yabugha erilua kera.

•   “Omundu awite obutoki endata oko gundi erimuhutalya.”—Omugambuli 8:9.

 Aliwe, eBiblia ikakanganaya ngoko obutabali obukasondolawa n’omundu oyuwite obutoki bw’eribughaho amaligho aw’akaghalaya abandu munabwire bo bukasyabughaho emyatsi eyikatwaghalaya munabwire.

 EBiblia ikabugha yiti Yesu Kristo musa y’omusondoli oyutolere. Awite akaghala, awite ehamuli, kandi anzire abandu bosi ibabya omo bughuma n’omo buholo.

•   “Ekitunganene kikanye omugulu akabyaho.”—Esyonyimbo 72:7.

•   “Ebihanda byosi byasyamukolera.”—Esyonyimbo 72:11.

 Yesu ni mutabali mubuya kundi atsomene abandu kandi anzire eribawatikya, kutsibu-tsibu abakakolerawa omo ritatunganene.

•   “Asyalamya abera abakamulakira, n’abali n’obwaga, n’abakasiganibawa. Akaganyira abera, n’abandu bolobolo; akalamaya esyongebe sy’abandu abali n’obwaga. Akalamayabo okw’inubya n’omwaga.”—Esyonyimbo 72:12-14.

 Wighe emyatsi mingyi eyilebirye oBwami bw’oMungu, ni bughambu obutabali bw’elubula obo Yesu yo musondoli wabo. Lebaya ebyo wangakola oBwami obo butoke erikuletera endundi n’akandi ngoko wangimirabo.

•   Lebaya evideo oBwami bw’oMungu niki?

•   Soma omwatsi “Ufalme wa Mungu—Serikali Yenye Haina Rushwa.”