•   Omo kihugho kye Chine mumukabya ekipwa ekikalire kutsibu n’omughulu w’ekihuhania ky’akasatu erikala kutsibu.”​—Esyongulu sy’egazeti The Guardian, ey’ekiro 7 Omwisi 9, 2022.

•   “Emyaka 5 yikayahwa ebiharo bilebe eby’omo Afrika y’eyikasira eryuba ibine omo kipwa ekikalire.”​—Eripoti ye UN, ey’ekiro 26 Omwisi 8, 2022.

•   “Omo kiharo kinene ky’omo Bulaya mwanganabya ekipwa ekikalire. Kandi alinga sihali hatabya ekikalire ng’ekyo omo myaka 500 eyamabilaba.”​—Eripoti ye BBC, ey’ekiro 23 Omwisi 8, 2022.

 Abandu bangyi abasomire bakabugha bati ebipwa bikendikanyirira kandi nibya bikendikala. Emyatsi yanasyuwana mbino omo biro by’embere? EBiblia ikabugha yitiki?

 EBiblia muyabugha yiti omo biro byetu:

•   “Hasyabya enzala . . . ehosi.”​—Luka 21:11.

 Ngendo nyingyi ebipwa bikaleta enzala. Enzala, amaligho n’abandu erihola busana n’ebipwa bikaberereraya obuminyereri bw’eBiblia.​—Eribisulirwa 6:6, 8.

 EBiblia ikatubwira omwatsi mukulu ow’akaleka ebipwa ibyalola embere erikala. Ikabugha yiti:

•   “Siriri omwisi wʼomundu oyukalendera erisondola olugendo luwe.”​—Yeremia 10:23.

 Ekyo ni bughambu abandu sibangatoka “erisondola olughendo [lwabo], kutse sibangatoka eriyitabala. Ibo eritaluka eritondekania emyatsi yo ndeke ngendo nyingyi kikaleka ihabya ebipwa n’amaghetse eryuma.

•   Abandu bangyi abasomire bakabugha bati emibírí mbiriri-mbiriri eyo bandu bakakola yabirileka omo kihugho imwabya ekihuhania kinene. Neryo busana n’ekyo, ebipwa byabirikanyirira omo kihugho kyosi.

•   Abandu ab’omururu n’abakahiraho ebyalayiro butsira erilengekania oko biro ebikasa, bakatsandaya emisitu, omuka, n’erikolesya muhanda ebindu ebikaleka itwabyaho. Ekyo kyanganaleka itwabula amaghetse awatosire

 Aliwe EBiblia yikatuha amaha.

 EBiblia yikatulagha ngoko oMungu akendisyakokotya emyatsi eyilebirye amaghetse. Akendisyakolakyo ati?

1.  1. OMungu ‘akendisyatoghotya abandu abakatsandaya ekihugho.’ (Eribisulirwa 11:18) Akendisyalusayaho abandu abakaleka itwabula amaghetse, ni bughambu abandu babi ab’omururu abakatsandaya ebitutimbireko.​—2 Timoteo 3:1, 2.

2.  2. “Ekitaka kyumire kyasyabya kitsinga kyʼamagetsi” (Isaya 35:1, 6, 7) OMungu akendisyabughaho ebyosi ebikaleka ihabya ebipwa n’erihindula ekihugho kino mo paradiso eyuswiremo amaghetse.

3.  3. “Ukalembera ekitaka, ukatuma embula; ukabogayakyo kutsibu.” (Esyonyimbo 65:9) OMungu akendisyatsumula ekihugho n’erihira mukyo mw’akalyo kangyi akuwene n’amaghetse aw’erire busana n’abandu bosi