Ekiro 24 oMwisi 5, 2022, omwatsi ow’akubahisaya mwakoleka omo kayi kake ake Uvalde, omo Texas, e Amerika. Egazeti New York Times, yikatulagho yiti “omulume mughuma oyuhekire embundu mwakika abana 19 n’abakangirirya babiri . . . Oko kalasi ake Robb.”

 Oky’obulighe, emyatsi eyikita obulighe ng’eyo yinemukoleka kangyi-kangyi omo biharo bingyi. Egazeti USA Today muyikatulagho yiti omo Amerika musa, “omo mwaka owalaba, abakolo n’abakangirirya babo mubalasangibwe omo mbundu. Emyatsi eyiri ng’eyo muyakoleka ngendo 249. Erilua oko mwaka 1970, sihali hatabya oghundi mwaka owo ebiri ng’ebi byakoleka.”

 Busanaki emyatsi eyituwene ng’eyo yikakoleka? Twangayiteya tuti oko myatsi mibi ng’eyo? Emyatsi mibi ng’eyo yinemwendisyahwa? EBiblia ikasubiraya oko mabulyo ayo.

•    EBiblia ikabugha yiti omughulu wetu ono bye “biro byʼenduli, nwt” kandi yiti omo mughulu ono abandu bangyi “Basyabya bʼomutima akalire” kandi “abatsibu,” abakita butsira bulighe ng’esyonyama sy’omoli. Kandi yiti abandu abo “basyakanyirira eribya babi.” (2 Timoteo 3:1-5, 13) Eriminya bingyi, iwasoma omwatsi “EBiblia muyanabugha embere ngoko abandu basyayiwata omo biro bino?”

 Abandu bangyi bakayibulaba kino: ‘Busanaki Mungu syalikakiraya emyatsi mibi ng’eriita abandu b’omo syombundu oko hilasi?’ Eriminya ekisubiryo ky’eBiblia, iwasoma omwatsi “Busanaki abandu abuwene bakahikirawa n’emyatsi mibi?”

•    “Ebyosi ebyasakawa erimbere omo Masako byasakawa busana n’eritukangirirya. Neryo Amasako akatuha eriyitsingirira n’erihanda omutima, itwatoka eribya n’amaha.”​—Abanya Roma 15:4.

 Esyokanuni sy’eBiblia syanganaleka itwasighala itunasikire omo kihugho ky’obutsurumi kino. Eriminya bingyi, lebaya egazeti Amuka! eyiwite omutwe “Obutsurumi Bunemwendisyahwaho?”

 Eribana amenge awo ababuti banganakolesya eriwatikya abana babo erisika n’omo hane esyongulu esikita obuba, soma omwatsi “Esyongulu esikita obuta sikatula siti oko bana baghu?”

•    “Akalamayabo okw’inubya n’omwaga.”​—Esyonyimbo 72:14.

•    “Nabo basyahesa emiyali yabo mw’esisuka, n’amatumo wabo mo bisara; ekihanda sikyendisyasumba omuyali erilwa n’ekindi kihanda, kutse sibendisyaswiga amalwa.”​—Mika 4:3.

 OMungu akendisyakola ebyo bandu sibangatoka erikola. Obwami bwiwe bw’elubula bukendisyabughaho ebimano byosi by’amalwa n’eribughaho obubi bosi. Eriminya bingyi oko ebye oBwami bw’oMungu bukendisyakola, iwasoma omwatsi “‘Obuholo bwasyakanya’ omo Bwami b’oMungu.”