“Omo biro ebite bya hali, emibere y’obutuku yikenditsandira ighuma busana n’emyatsi eyo abandu bakakola. Emiyi minene mingyi yikaya okwibwagha mw’amaghetse. Ekihuhania kinene eky’omwisi. Ebihunga ebik’ita obuba. Amaghetse eribula ehosi. Erihwaho ly’esyomiliyoni sy’emiringo y’ebirimwa n’esyonyama. Eyi si myatsi ya yipika-pikira kutse kisehya. Ebyo byo abandu be siyase bakatubwira bati bikendikoleka amatabali amatendiwatikya abandu erikolesya ndeke ebikaleka ibabana omuliro w’esinga.”​—Byabughawa na António Guterres, omuhandiki-mukulu ow’Obughuma bw’Ebihanda (ONU), akakania omo ripoti nguma ey’abakalebaya eribinduka ly’emibere y’obutuku eyahulukibawa ekiro 4 oMwisi 4, 2022.

 “Abandu be syase banemughusa omulenge bati omo myaka eyikasa aho mbere aha, ehisitu hyosi 423 [ehye Amerika] ehikabyamo esyonyama hikenditsanda busana n’eritsandibwa ly’emibere y’obutuku kundi sihyenditoka eribeghera ekihuhania kinene. Ebikubahisaya ebi bikabya nga bighumerera n’ebyo tukasoma omo Biblia ebikabugha oko: miriro n’eribwagha ly’amaghetse, esyonzururu eriyeyuka, esyongetse eribwagha n’ekihuhania kinene eky’omwisi.”​—“Eribwagha linene ly’amaghetse omo Yellowstone, ekiminyikalo eky’obuhanya obukasa,” n’egazeti The New York Times, ey’ekiro 15 oMwisi 6, 2022.

 Ekihugho kyanganatasyuwana kwe? Kyamabya ikyanganatasyuwana, yo ndi yuwangasyuwaniakyo? Langira ebyo Biblia ikabugha.

 EBiblia ikabugha yiti oMungu akendisyatoghotya “abandu abakatsandaya ekihugo.” (Eribisulirwa 11:18) Omulondo w’eBiblia oyu akatukangiriraya ebindu bisatu:

1.  1. Ebyo abandu bakakola bikenditsandya ekihugho kyo kutsibu.

2.  2. Eritsandibwa ly’ekihugho likendisyahwaho.

3.  3. OMungu yukendisyabughaho ebitsibu ebyo bandu bakakolera ekihugho.

 EBiblia yikabugha yiti “ekihugo kikakota.” (Omugambuli 1:4) Kikendisyabya ikine mw’abandu.

•   “Abatunganene basyikala omo kihugo mo buholo, n’erisigalyakyo kera na kera.”​—Esyonyimbo 37:29.

 Obubuya bosi bw’ekihugho kyetu bwasyasubibwaho.

•   “Embwarara n’olukurutsu byasyatsema, n’embwarara yasyatsanga n’erihulukya omusanga ng’erikanga.”​—Isaya 35:1.