Omo tututu, ekiro 24 Omwisi 2, 2022 Abasuda abe Burusi mubatsuka eribambira e Ukraine nomo abakulu b’ebihugho banayikasa erikakirya amalwa. Amalwa ayo akenditula ati oko kihugho? Omusekretere we ONU, António Guterres, mwabughire lino-lino ati: “Amaligho awo bandu bakabana, eritsandibwa n’eribula obuholo omo Ulaya n’omo kihugho kyosi, alengire kateho.”

•   Yesu mwabugha embere oko mughulu owo “ekihanda kyasyalwa nʼekindi kihanda, nʼobwami bwasyalwa nʼobundi bwami.” (Matayo 24:7) Usome omwatsi “Niki kyo kiminyikalo ‘ky’ebiro by’enduli,’ kutse ‘erihwererera lyʼemigulu’?” erilangira ngoko eBiblia ikakanganaya ngoko amalwa awakabya munabwire akaberereraya obuminyereri bwa Yesu.

•   Ekitabu ekiri omo Biblia eky’Eribisulirwa, kikasosekanaya amalwa n’esabayiri “yʼolukula-kula” kutse ey’erangyi y’omuliro n’oyo wikere kuyo ali “n’amaka wʼerilusya Obuholo b’oko kihugho, abandu bitane.” (Eribisulirwa 6:4) Usome omwatsi “Wale Wapanda-Farasi Ine—Ni Nani?” eriminya ngoko obuminyereri obo buhambene n’amalwa awakabya munabwire.

•   Ekitabu kye Danieli mukyabugha embere oko buyighu obukasyabya omo kati-kati “k’omwami w’elutambi lw’endata n’omwami w’elutambi lw’eyikwa.” (Danieli 11:25-45) Ulebaye evideo Obuminyereri obwabiribererera—Danieli Esura 11 eriminya busanaki oBurusi n’ebihugho ebikakola haghuma nabo bo mwami w’elutambi lw’endata. a

•   Kandi ekitabu ky’Eribisulirwa kikakanaya oko “malwa w’ekiro kinene ky’oMungu Omutoki w’ebyosi.” (Eribisulirwa 16:14, 16) Aliwe si malwa w’ebihanda ng’awo tukalangira munabwire. Usome omwatsi “Amalwa we Armagedoni niki?” eriminya bingyi oko myatsi eyikasyabya omo biro ebikasa.

•   EBiblia ikabugha yiti oMungu akasyabugha “amalwa omo kihugho kyosi.” (Esyonyimbo 46:9) Usome omwatsi “Amaha awuwene omo biro ebikasa” eriminya ebyo oMungu abiritulagha omo biro ebikasa.

•   Yesu mwakangirirya abigha biwe erisaba bati Obwami bw’oMungu bwase. (Matayo 6:9, 10) Obwami obo ni butabali obuli elubula obukasyaberereraya erisonda ry’oMungu oko kihugho. Erisonda ry’oMungu rihiriremo obuholo omo kihugho kyosi. Eriminya endundi eyo oBwami obo bwangakuletera, ulebaye evideo Obwami bw’oMungu niki?

 Omo Ukraine muli Bimiri ba Yehova banene oko 129 000. Ng’Abandi Bimiri ba Yehova omo bindi bihugho, nabo bakakwama eky’erileberyako kya Yesu eky’eritendibya oko luhande lulebe omo myatsi y’ekipolitike kandi sibaliyingiraya omo malwa. (Yoane 18:36) Omo kihugho kyosi, Abimiri ba Yehova banemulola embere eritula “engulu yowene y’Obwami” ngoko bo bukendibughaho amaligho w’abandu erihirako n’amalwa. (Matayo 24:14) Tukakusaba utuhandikire utoke eriminya bingyi oko maha awakabanika omo Biblia.