Ekiro 19-25 Omwisi 2
ESYONYIMBO 8-10
Olwimbo 2 n’omusabe | Ebinywa by’eritangirirya (Dak. 1)
1. “Nasyakupipa, uwe [Yehova]”!
(Dak. 10)
Yehova akatukanganaya omubere w’obubuya oko lulengo lunene kutsibu (Esy 8:3-6; w21.08 3 enu. 6)
Tukatsemera eripipa Yehova omw’ikanirya abandi oko mibiiri yiwe eyikaswekaya (Esy 9:1; w20.05 23 enu. 10)
Kandi tukamupipa omughulu tukamwimbira n’omutima wetu wosi (Esy 9:2; w22.04 7 enu. 13)
UYIBULAYE KINO: ‘Nangapipa Yehova omo sindi nzira syahi?’
2. Obuteke bw’Ekinywa ky’oMungu
(Dak. 10)
-
Esy 8:3—Omughulu omuhandiki w’Esyonyimbo akanaya oko minwe ya Yehova, abya inyakasonda eribugha atiki? (it-1-F 663)
-
Ni nzumwa syahi sy’omo busomi bw’eyenga eno syo wanzire erikaniryako abandi?
3. Obusomi bw’eBiblia
(Dak. 4) Esy 10:1-18 (th esomo 11)
4. Eritsukisya omukania
(Dak. 3) NYUMBA OKO NYUMBA. Omwenye nyumba amakubwira ati iye, syikirirye oMungu. (lmd esomo 5 enzumwa 4)
5. Erisubira omundu
(Dak. 4) ERITULIRA KITSUMBUKIRANIA. Omughulu wakanaya n’omundu ekindi kiro mwakubwira ati iye syikirirye oMungu, aliwe ati angananza eriminya emyatsi eyikakanganaya ngoko hane Omuhangyiki. (th esomo 7)
6. Omukania
(Dak. 5) w21.06 6-7 enu. 15-18—Omutwe: Uwatikaye abigha baghu b’eBiblia eribya bakapipa Yehova. (th esomo 10)
Olwimbo 10
7. Ebyangatuwatikya eritulira kitsumbukirania omo mibere eyo tukanakanayamo n’abandu
(Dak. 10) Erikanirania.
Enzira nguma eyangatuwatikya eripipa Yehova yo kutsibu, ry’eribya tukakania oko ngulu mbuya n’abandu abo tukahindana nabo tukakola emibiiri yetu y’obuli kiro. (Esy 35:28) Oko nzuko, twanganubaha eritulira kitsumbukirania. Aliwe, twamabigha eribya tukatsukisya emikania n’erilolyayo embere omo mibere eyo tukanakanayamo n’abandu, itwanganatoka eribya tukakola tutya, n’eritsemera enzira eyo y’eritulira!
Mulebaye EVIDEO Ubye ighunayiteghekire erikania oko “ngulu mbuya y’obuholo”—Utsukisaye omukania. Neryo ubulaye abahulikiriri uti:
Wamigha omo video eno mo mwatsi wahi owangakuwatikya eritoka ndeke eritulira kitsumbukirania?
Emyatsi milebe eyangakuwatikya eritsukisya omukania y’eno:
-
Omughulu ukalua eka, usonda-sondaye ehyanya ehyo wangatuliramo kitsumburania. Usabe busana n’omwatsi oyo, kandi usabe Yehova akusondole oko mundu oyo wanganahulikirira engulu mbuya
-
Utsanga-tsangire abandu abo ukahindana nabo, n’eribatsomana. Uyikase eriminya emyatsi milebe oko mundu eyangakuwatikya eriminya ng’angatsemesibwa n’omwatsi wahi owakanibweko omo Biblia
-
Kyamabitolera, usondekanaye akanya, iwe n’oyo ukakanaya naye, utoke erimya enimero yiwe, naye inimya yaghu, n’awandi ma adrese
-
Omukania amabihwa isighuliwabana akanya k’eritulira, isiwabunika mutima
-
Enyuma sy’erikania n’omundu, ulole embere erimulengekaniako. Erikangania ngoko umutsomene, wanganamutumira e lien y’erisako rilebe ly’eBiblia kutse eyangamukolya oko mwatsi mulebe w’oko jw.org
Upime kino: Omundu mulebe amabikubulya ati: ‘Mughukalabaya uti ebiro by’eribughirira eyenga?,’ iwamukanirya oko mwatsi mulebe ogho ulyigha oko mihindano, kutse oko mubiiri waghu w’eribya mukangirirya w’eBiblia.
8. Ebiyitawa by’endeko
(Dak. 5)
9. Erigha ly’eBiblia ery’endeko
(Dak. 30) bt esura 6 enu. 1-8, n’ebinywa by’eritangirirya ekihande 2
