Ekiro 8-14 Omwisi 1
YOBU 34-35
Olwimbo 30 n’omusabe | Ebinywa by’eritangirirya (Dak. 1)
1. Omughulu kikalangirika abandu abuwene nga bakahikarawa n’emyatsi mibi
(Dak. 10)
Uminye ngoko Yehova yuteleka n’ahake abandu ibahikirwa n’emyatsi mibi (Yob 34:10; wp19.1 8 enu. 2)
Abandu babi banganabya nga sibalisuyirawa busana n’emyatsi mibi eyo bakakola; aliwe sibangatabisama Yehova (Yob 34:21-26; w17.04 10 enu. 5)
Enzira eyuwene y’eriwatikya abakahikirawa n’eritatunganene, ry’eribakangirirya oko Yehova (Yob 35:9, 10; Mt 28:19, 20; w21.05 7 enu. 19-20)
2. Obuteke bw’Ekinywa ky’oMungu
(Dak. 10)
-
Yob 35:7—Elihu asonda eribugha atiki omughulu abulaya Yobu ati: “[OMungu] akangiriraki omo byala byawe kwehi?” (w17.04 29 enu. 3)
-
Ni nzumwa syahi sy’omo busomi bw’eyenga eno syo wanzire erikaniryako abandi?
3. Obusomi bw’eBiblia
(Dak. 4) Yob 35:1-16 (th esomo 10)
4. Eritsukisya omukania
(Dak. 3) NYUMBA OKO NYUMBA. Utsukisaye efunzo y’eBiblia. (lmd esomo 10 enzumwa 3)
5. Eritsukisya omukania
(Dak. 4) ERITULIRA KITSUMBUKIRANIA. Ukanganaye omundu oyuwite oko bana balere ng’angabana ati oko jw.org kw’emyatsi eyangawatikya ababuti. (lmd esomo 1 enzumwa 4)
6. Eriyira abigha
(Dak. 5) lff esomo 13 enzumwa 5 (lmd esomo 11 enzumwa 3)
Olwimbo 58
7. Unawite engumbu ‘y’erihubirya ekinywa’ kitsumbukirania?
(Dak. 15) Erikanirania.
Paulo mwahana Timoteo ati: “Uhubiraye ekinywa. Ukole utya butsira lindi-lindi.” (2Ti 4:2) Ekinywa ky’Ekigiriki ekikabindula mo “ukole utya butsira lindi-lindi” oko mughulu mulebe ikikakolesibawa oko myatsi y’obusuda. Ikikakolesibawa erikania oko musuda kutse omuteya oyuli aho akakolera omubiri inyanayiteghekire oko ndambi syosi. Ekinywa ekyo, kikakanganaya ndeke-ndeke engumbu yetu y’eribya itunayiteghekire oko ndambi syosi tutoke eribindula omukania mulebe mo kanya k’eritula engulu mbuya.
Olwanzo lwetu oko Yehova n’erimusima busana n’ebyosi ebyo akatukolera, byo bikatukuna erikanirya abandi oko mibere yiwe mibuya.
Musome Esyonyimbo 71:8. Neryo ubulaye abahulikiriri uti:
Ni myatsi mibuya yahi eyilebirye Yehova eyo wanzire erikaniryako abandi?
Eryanza abandi nakyo, kikatuhiramo omuhwa w’eritulira kitsumbukirania.
Mukwame EVIDEO Ngoko abandu bangyi babana ekwenene y’eBiblia. Neryo ubulaye abahulikiriri uti:
-
Eritulira kitsumbukirania mulyawatikya abandu bangyi bo liti eribana ekwenene y’eBiblia?
-
Abandu aba ababya omo bindi bisomo kera, mubabana endundi yo bati omw’igha ekwenene?
-
Eryanza abandu likatuhiramo omuhwa liti tutoke eritulira kitsumbukirania?
-
Ekyangaleka iwabugha uti eritulira kitsumbukirania ni nzira eyuwene y’eriwatikya abandi eriminya Yehova niki?
8. Erigha ly’eBiblia ery’endeko
(Dak. 30) bt esura 4 akasanduku oko kaya. 33
