Ekiro 29 Omwisi 4–Ekiro 5 Omwisi 5
ESYONYIMBO 34-35
Olwimbo 10 n’omusabe | Ebinywa by’eritangirirya (Dak. 1)
1. “Mughulu wosi, upipe Yehova”
(Dak. 10)
Daudi abya akapipa Yehova nibya n’omughulu abya omo maligho (Esy 34:1; w07 1/3 22 enu. 11)
Daudi mwatayiketera obutoki bwiwe iyuwene-wene aliwe mwayiketera amaka wa Yehova (Esy 34:2-4; w07 1/3 22 enu. 13)
Ebinywa by’eripipa ebya Daudi mubyasikya abandi b’omutima (Esy 34:5; w07 1/3 23 enu. 15)
Daudi abere abilama oko Abimileki, abalume 400 ababya baponire obutabali bw’Omwami Sauli mubakwama Daudi omo mbwarara. (1Sa 22:1, 2) Alinga Daudi abya akibuka abalume abo omughulu ahandika ebinywa eby’eritangirirya eby’ Esyonyimbo 34.
UYIBULAYE KINO: ‘Oko muhindano w’endeko owakasa ngendikolesya ebinywa byahi ngakania n’omundu eripipa Yehova?’
2. Obuteke bw’Ekinywa ky’oMungu
(Dak. 10)
-
Esy 35:19—Daudi asonda eribugha atiki akasaba Yehova ati suleke abakanikwa obusu “bakanyikoherya eriso”? (w06 15/5 20 enu. 2)
-
Ni nzumwa syahi sy’omo busomi bw’eBiblia obw’eyenga eno syo wanzire erikaniryako abandi?
3. Obusomi bw’eBiblia
(Dak. 4) Esy 34:1-22 (th esomo 5)
4. Eritsukisya omukania
(Dak. 2) ERITULIRA KITSUMBUKIRANIA. Wamatsukisya omukania n’omundu neryo omukania amatwika isighuliwabana akanya ak’erimuhubirya. (lmd esomo 1 enzumwa 4)
5. Erisubira omundu
(Dak. 4) ERITULIRA KITSUMBUKIRANIA. (lmd esomo 2 enzumwa 4)
6. Erikanirya abandu oko bwikirirya bwaghu
(Dak. 5) Eky’erilangirirako. ijwfq 59—Omutwe: Busanaki Abimiri ba Yehova sibalikola esyofete silebe? (th esomo 17)
Olwimbo 59
7. Esyonzira isatu sy’eripipa Yehova oko mihindano
(Dak. 15) Erikanirania.
Emihindano y’endeko yikatuha ehyanya ehyuwene ehy’eripipa Yehova. Twanganapipa Yehova omo syonzira isatu hino.
Emikania yetu: Omughulu ukakanaya n’abandi, uyikase erikania emyatsi eyuwene oko Yehova. (Esy 145:1, 7) Wanabiryowa kutse erisoma omwatsi mulebe owabirikuletera endundi? Unawite omwatsi mulebe oghuwene ogho wabiriyilangirira omo mubiiri w’erihubirya? Wanabirisikibwa mutima erilabira ebinywa kutse emikolere y’omundu mulebe? Wanabiriyilangirira ekindu kilebe oko bindu ebyo Yehova ahangyika ekikakuswekaya? Ebyosi ebyo ni bihembo erilua oko Yehova. (Yak 1:17) Uyikase eribya ukahika esyodakika nyilebe embere sy’omuhindano utoke eribana akatambi akerikania n’abandi.
Ebisubiryo byetu: Uyikase eribya ukateka ekisubiryo nga kighuma oko buli muhindano. (Esy 26:12) Wanganasubirya oko ribulyo, kutse iwakania oko nzumwa y’akabiri, kutse wanganakania oko risako rilebe, kutse iwakania oko pitsa kutse iwakangania ngoko twangakolesya omwatsi oyo. Uteghekanaye ebisubiryo bingyi kundi mwanganasumbira ebyala by’okughuma n’abandi. Twamabya tukateka ebisubiryo ebitelaba oko syosegonde 30, aho tukabya ‘itwamapipa oMungu.’ N’obo “bo buhere obo tukamuha.”—Ebr 13:15.
Esyonyimbo: Wimbe esyonyimbo sy’Obwami n’obutseme bosi. (Esy 147:1) Wamabya ighuli omo ndeko eyuswiremo abandu bangyi kandi abakasubiraya, kwa muhwa sikyangatokekana eribya bakakwahula oko buli muhindano, aliwe wangasangira okwimba esyonyimbo. Nomo wanganalengekania uti sighuwite omulenge owuwene, uminye ngoko Yehova akatsemera omulenge waghu! (2Ko 8:12) Eka waghu ubye ukasuba omo syonyimbo esyo tukendimba oko muhindano.
Mukwame EVIDEO Twibuke ehistoria yetu—Ekihembo ky’olwimbo, ekitsweka 1. Neryo ubulaye abahulikiriri uti:
Endondeka yetu yikatsuka, mutwakangania tuti ngoko eripipa Yehova omo syonyimbo ni mwatsi w’omughaso munene?
