Ngendo silebe obuli mundu akayowa omo bulighe. Eriyowa utya sibugha ambu obwikirirya bwaghu bwabirileghetsana. Nibya oko mughulu mulebe Yehova naye mwayowa omo bulighe. (Enz 6:5, 6) Aliwe wangakola ghuti wamabibya mundu w’obulighe kutsibu kutse wamabya iwukayowa omo bulighe hakuhi mughulu wosi?

Usabe Yehova y’obuwatikya. Yehova akatsomana kutsibu ngoko tukayowa. Akaminya omughulu tuli n’obutseme n’omughulu tuli omo bulighe. Yehova anasi ekikaleka itwalengekania kutse eriyowa omo nzira nyilebe. (Esy 7:9b) Eky’eritsemesya, Yehova atutsomene kandi anganatuwatikya erikinda obulighe bwetu nibya n’erihahangya-hangya linene.​—Esy 34:18.

Uteghaye obwenge bwaghu. Eribunika mutima lyanganaleka itwabula obutseme, aliwe kandi lyanganatsandya obwira bwetu haghuma na Yehova. Busana n’ekyo litolere itwateya omutima wetu​—ni bugha ambu omundu wetu w’emwisi.​—Emi 4:23.

MUKWAME EVIDEO NGOKO ABAGHALA N’ABALI BETU BANEMUTSEMERA OBUHOLO NOMO BAWITE ERIHANGYA-HANGYA LINENE, NERYO MUSUBIRAYE OKO MABULYO ANO:

• Ni myatsi yahi eyawatikaya mwali wetu Nikki erikinda erihangya-hangya?

  Ekisubiryo kyaghu

• Busanaki Nikki mwalangira ngoko alaghire oko buwatikya bw’abanganga?​—Mt 9:12

  Ekisubiryo kyaghu

• Nikki mwayiketera Yehova omo nzira yahi?

  Ekisubiryo kyaghu