ENGEBE Y’OMUKRISTO

Uwatikaye abandu abatawite ekisomo n’abatikirirye Omuhangyiki wabo

CHINGULA

Kyanabirikuhikira iwayikakirya eritulira omundu oyutawite ekisomo, ukalengekania uti syendiowa? Kyamabya kitya, wibuke ngoko abandu bangyi abatawite ekisomo n’abatikirirye oMungu babiribya Abimiri ba Yehova. Kangyi-kangyi, ebyo babya balaghireko ry’erikanganibwa emyatsi milebe eyikakanganaya ngoko oMungu aneho.—Rom 1:20; 10:14.

MUKWAME EVIDEO—WIBUKE NGOKO ABATAWITE OBWIKIRIRYA BANGANAKANGANIABO!—ABANDU ABATANZISIBWE N’EMYATSI Y’EKISOMO, NERYO MUSUBIRAYE OKO RIBULYO LINO:

Eky’erileberyako kya mughala wetu Tommaso kyamakuwatikya kiti eribya n’amalengekania awuwene okwitulira abatawite ekisomo?

Ekisubiryo kyaghu

Wangakola ekyo kyo uti?

Omundu amabibugha ati sikirirye oMungu, isiwamutsweba-mutsweba, ukolesaye amenge kandi uyikase eritsomana amalengekania wiwe kandi ngoko akayowa busana n’omwatsi oyo. (2Tim 2:24) Ukanaye naye oko mwatsi mulebe ogho anganatsemera. Wamabilangira inyangananza erikania oko ebikaleka abandu banene ibaligha ngoko oMungu yo muhangyiki, wanganakolesya ebitsapo byetu n’esyovideo esikakanaya oko mwatsi oyo. Akatabu Uhai—Ulitokana na Muumba? n’akatabu Vitu Vyenye Uzima Vilianza Namna Gani?—Maulizo 5 ya Kujiuliza byabiritomekwa oko Bitsapo ebyo tukakolesaya erikangirirya, bitoke eribya bikabanika luba.

Oko mwanzo wanganakwa obuba bw’erikania n’omundu oyutikirirye oMungu. Kyamabya kitya, wanganasaba ubuwatikya oko mutuliri oyuwabirihindana n’abandu bangyi abali ng’abo. Wibuke ngoko Yehova anganatuwatikya eritula oko mitima y’abandu abanzire eryangirira Ekwenene—nomo oko nzuko sibikirirye oMungu.—Emib 13:48.

OMUBÍRÍ N'ENGEBE—AKATABU K'OMUHINDANO