Abandu bangyi sibawite amalengekania awuwene oko bandu abawite ehamuli. Unasi ekikaleka? Abandu bangyi babirikolesya ehamuli yabo omo nzira eyituwene batoke eribana endundi ibibene. (Mik 7:3) Tukatsema kutsibu busana n’abasyakulu b’endeko abakakolesaya ehamuli yabo yo ndeke batoke eriwakikya abandu ba Yehova.​—Esi 10:3; Mt 20:25, 26.

Abasyakulu b’endeko sibali ng’abandu b’omo kihugho kino abawite ehamuli. Bakakola omubírí wabo ow’eriteya kundi banzire Yehova n’abandu biwe. (Yoa 21:16; 1Pet 5:1-3) Erilabira obusondoli bwa Yesu, abalisya abo bakawatikaya obuli mutuliri ayowe ngoko anawite omwanya omo kihanda ky’abaramya ba Yehova, n’erisighala hakuhi na Yehova. Bakanguha eriyasubya mutima esyombuli sya Yehova n’eriwatikya omughulu syamalagha oko myatsi y’amatunzo eyikasaba erikola luba. Wamabilagha oko buwatikya wanganakania n’omusyakulu mughuma omo ndeko yenyu.​—Yak 5:14.

MULEBAYE EVIDEO ABALISYA ABATSOMENE ESYOBULI, NERYO MUSUBIRAYE OKO MABULYO ANO:

• Mwali wetu Mariana mwabana obuwatikya bwahi erilua oko basyakulu?

  Ekisubiryo kyaghu

• Mughala wetu Elias mwabana obuwatikya bwahi erilua oko basyakulu?

  Ekisubiryo kyaghu

• Enyuma sy’erikwama evideo eyi, wamabya n’amalengekania waghi oko mubírí w’abasyakulu?

  Ekisubiryo kyaghu