Métchouʼté aa tso goung yié aa tʉnzuing ana gouʼté yé ndʉalʉʉa (Zôbô nt 22:22). Pʉa métsém pié é tchouʼté ngouʼté Jéova, pô gwiée mémbélésé, mbing ngwiée lékag (Zôbô nt 65:4). Pʉa pié é né nziʼi Biible lwa ngouʼou na chʉo wé zuigé, na paʼ pô lôôn né nkouou métchouʼté té zéʼé.

Ta ngouo pi kuiété pʉa pié pi ziʼi wôb Biible lé kou métchouʼté lékô? Pi lôg ngʉa né mvfo lé kuingté wôb ngié po kou métchouʼté. Pi gnièe wôb vidéo yié two aa ngié Mé gʉo kô Nda Léfouô Pakuié Ntang Jéova?, nkièʼté chouŋo wôb pi yié mé jʉo na lékouou métchouʼté (lff-Fléziʼi 10). Ngouo pi ying chouŋo wôb mmo tʉnzuing yié pi ka ziʼi na tchouʼté yié a ka tchʉa, ka po lé chouŋo wôb mmo yié a gé tchʉa na tchouʼté yié a né ntoo wô. Pi naa wôb méŋwaʼné mié mé gé to yousé. Pi kouaʼ nkuiété wôb. Pô gé wo ta too tchouʼté mvôg mvfo lièeʼ, pi giè ngié a kôôn nzèté lé saʼ métʉ paʼ pi ka saaʼ (1 Ko 14:24, 25).

LIÉ VIDÉO YIÉ TWO AA NGIÉ KUIÉTÉ PɄA PIÉ O ZIʼI WÔB BIIBLE LÉ KOU MÉTCHOUʼTÉ, MBING NZÈTÉ PɄA NGIÉ:

• Ée wèe chʉo wuié é la tsôʼôô mbwo Nina, a gniousée ndôg ntoŋo Julie tchouʼté?

• Nti kô pégé gwiée lékag fʉʼ yié gning wuié pégé ziʼi yé Biible too tchouʼté?

• Julie la too tchouʼté mvôg mfo lièeʼ ngia kô?