Samiiè la lôgô wé léwô ntsém nké kouèe pô na Jéova. A la gnié ngouo po mouô, a té gnié ta kwo léying tépong yié Hofni pô Finéas la gwiée a tchʉngté yé wô (1Sa 2:22-26). A la né ngouʼou, pô Jéova zoo ké ngouô (1Sa 3:19). A la ping ngouô ta ntchʉʼʉ ndhʉo, nké dôg ngʉa po lé mvfo lé yiŋé na manzsé Jéova, mbaa paʼ yié yé goubé la té né ngiŋé pouʼou wô (1Sa 8:1-5).

Ngouo fʉʼ Samiiè ziʼi wégé kô? Pi lôôn ngouo pouô ngouachoum, pi zsé té mʉʼté ngié Jéova né nzsé méngégé ntsém mié pi né nzièʼè moo. A gé kuiété wui lé gwiée saʼa métʉ (És 41:10, 13). O lôôn ngouo ta wuié ming wou fʉaa manzsé, mba ngouo o jʉo pi na paʼ Samiiè la té tʉôgô tsoté na pénkʉ pé pié é la tchʉʼ ngouô pô mélʉo, ngié pô koua nna na Jéova wô. A la ké ngnié choum ntsém po na mbwo Jéova, nkouʼté kouaʼ yé zuiŋé ntʉm, mbing ngʉo no poŋo Ta wé Jéova wuié aa tʉo lépwo. Ndièʼ tso mba ngouo fʉʼ jou tsoté ming wou lé piŋé mbwo Jéova.

LIÉ VIDÉO ZIʼI MMO NA FɄʼ YÔB—SAMIIÈ, NDÉEN NKÉ NNA MBɄÈE NA MÉNZÈTÉ MÔÔN:

• Samiiè la laʼté saʼa métʉ lékô fʉʼé a la gnié mouô?

• Danny ka ping ndaʼté yé saʼa métʉ lékô?

• Samiiè la wo ta ntchʉʼʉ ndhʉo, nnaa taʼ fʉʼ mboŋo lékô?

• Méta Danny ka naa yé fʉʼ mboŋo lékô?