Sifumene bona abantu abanengi abanekolo yabo bayakuthabela ukucoca ngeendaba zeBhayibheli. Liqiniso, siyalihlonipha ilungelo lomuntu lokuba neenkolelo ezingafani nezethu, begodu asikateleli abantu bona balalele umlayezo wethu.

 Nesicoca ngekolo, silinga ukusebenzisa isiluleko seBhayibheli ngokwenza lokho “ngomusa nangehlonipho.” (1 Pitrosi 3:15) Sikulindele ukobana abanye bazowala umlayezo esiwuphetheko. (Matewu 10:14) Nokho, asazi ukuthi abantu bazokusabela bekube kulapho sikhuluma nabo. Godu siyalemuka bona babantu buyatjhentjha.

 Ngokwesibonelo, kungenzeka umuntu abe majadu khulu ukukhuluma nathi ngelinye ilanga kodwana akuthabele ukucoca nathi ngesinye isikhathi esihlukileko. Godu abantu bangaqalana nemiraro emitjha namtjhana ubujamo okufuze baqalane nabo, okungabatjhukumisela bona babe nekareko emlayazweni weBhayibhelini. Silwela ukukhuluma nabantu iinkhathi ezingaphezu kwesisodwa.