Uzifundisise kuhle IinThala zonyaka lo? Linga ukuphendula imibuzo elandelako:

Ngisiphi isibonelo uJehova asibekako endleleni yokuphatha abantu bengubo?

Akabakhethululi, akathandi abantu bembaji ukudlula indlela athanda ngayo abantu bengubo. UZimu uyabalalela abantu bengubo, unendaba nendlela abazizwa ngayo nezinto ezibatshwenyako. Begodu uyabathemba ukuthi bazowenza umsebenzakhe.—w24.01, kk. 15-16.

Singakusebenzisa njani okusemtlolweni webe-Efesu 5:​7, nawuthi: “Ningabi nobudlelwano nabo”?

Umpostoli uPowula bekathi singazihlanganisi nabantu abazokwenza kube budisi ukuphila ngeenkambisolawulo zakaJehova. Abantu abanjalo singazihlanganisa nabo bunqopha namkha kumathungelelwano wezokuthintana.—w24.03, kk. 22-23.

Ngiziphi iindaba ezingasiliqiniso ekufuze sizivikele kizo?

Kufuze sitjheje, singazamukeli iindaba ezingakaqinisekiswa okungenzeka zivela ebanganini, ngama-email namkha ebantwini esingabaziko, nebantwini abaziinhlubuki abazenza ngasuthi bafuna ukwazi iqiniso.—w24.04, k. 12.

Khuyini esikwaziko nesingakwaziko ngendlela uJehova azokwahlulela ngayo iKosi uSolomoni kuhlanganise nalabo abahlongakala eSodoma neGomora nalabo abahlongakala ngomThwalela?

Asiqiniseki ukuthi ubabhubhise safuthi namkha awa. Nanyana kunjalo, esiqiniseka ngakho kukuthi uJehova wazi koke begodu unomusa omkhulu.—w24.05, kk. 3-4.

UZimu njengombana ‘aliDwala’ usiqinisekisa ngani? (Dut. 32:4)

Singafuna isiphephelo kuJehova. Uthembekile begodu uhlala enza akuthembisako. Akatjhuguluki, uhlala angilokho angikho begodu nomnqophakhe awutjhuguluki.—w24.06, kk. 26-28.

Khuyini engasisiza sithabele ukuba sebandleni elitjha?

Thembela kuJehova, uzokusiza njengombana asiza abantu abamlotjhako esikhathini esidlulileko. Balekela ukumadanisa ibandla elitjha nebandla obuya kilo. Zibandakanye nebandla lakho elitjha, ulinge ukwenza abangani ebandleni.—w24.07, kk. 26-28.

Ngiziphi iimfundo esizifumana emifanekisweni emithathu ekuMatewu isahluko 25?

Umfanekiso wezimvu neembuzi uveza ukuqakatheka kokuthembeka. Umfanekiso weentombi ezihlakaniphileko nezizindlhadlha utjengisa bona kuqakatheke kangangani ukuhlala uzilungiselele begodu utjhejile. Umfanekiso wamathalente ukhanyisa ukuthi kuqakathekile ukusebenza budisi nokuhleleka.—w24.09, kk. 20-24.

Belilide kangangani uthuri lethempeli lakaSolomoni?

Kweyesi-2 yeenKronike 3:4 imitlolo yakade iveza “amakhubithi ali-120” okwenza ithuri libe mamitha ama-53 ukuphakama. Kodwana eminye imitlolo iveza “amakhubithi ama-20” okwenza ithuri libe mamitha ali-9 ukuphakama. Okutjhiwo muva kubonakala kukhambisana nobudege bamaboda wethempeli.—w24.10, k. 31.

Kutjho ukuthini nakuthiwa inceku esizako kufuze ibe ‘nomfazi munye’? (1 Thim. 3:12)

Kutjho ukuthi kufuze itjhade umfazi munye kwaphela begodu akukafuzi iziphathe kumbi ngokomseme. Ukungezelela kilokho, akukafuzi inake abanye abafazi ngendlela engakafaneli.—w24.11, k. 19.

Kubayini singathi uJwanisi 6:53 bekangasi yikambiso sesiDlo seKosi saNtambama?

UJwanisi 6:53 ukhuluma ngetlhogeko yokudla inyama kaJesu nokusela iingazi zakhe. UJesu wakhuluma amezwi lawo ngo-32 C.E., eGalile, kumaJuda ebekusafuze akholwe kuye. Nanyana kunjalo, isiDlo seKosi saNtambana sahlonywa ngomnyaka olandela loyo eJerusalema. UJesu bekakhuluma nabantu abazokubusa naye ezulwini.—w24.12, kk. 10-11.