Abafowethu nabodadwethu abanengi basebenzisa iinhloko ekhezatjengiswa esendlalelweni se-jw.org lokha nabatjhumayelako. Zithumeleka lula nge-elekthroniki begodu kanengi zihlathulula indlela izenzakalo zamuva nje ezizalisa ngayo isiphorofido seBhayibheli. Omunye umfowethu nakahlathulula indlela iinhloko ezisekhasini lesendlalelo ezibe lisizo ngayo, uthi, “zingilokho esikutlhogako namhlanjesi nasitjhumayelako.”

Iinhlokwezi kanengi ziyatjhuguluka, yeke ungazifumana njani iinhloko ezingasaveli ekhasini lesendlalelo?

• Ekhasini lesendlalelo se-jw.org, gandelela ilinki ephezulu ethi, “Qala Okungeziweko.” Ilinki le izokuvula isihloko esithi, “Qala Ezisand’ukufakwa Ekhasini Lesendlalelo,” lapho uzokufumana okungeziweko ngeenhloko ezisand’ukufakwa.

• Ku-jw.org namkha ku-JW Library^®, tjhinga kesithi, “ILayibhrari,” bese utjhinge kesithi, “Iinhloko Ezimlandelande,” ngemva kwalokho ungene kesithi, “Ezinye Iinhloko.” Ingcenye le ihlanganisa iinhloko ekhezafakwa ekhasini lesendlalelo.