Kungenzeka njengenengi lethu kubabudisi ukukhumbula okufundileko. Nanyana kunjalo, ulemukile ukuthi kuba bulula kangangani ukukhumbula lokho uJesu akufundisako ngebanga lokuthi bekasebenzisa imifanekiso. Singacabanga ngalokho uJesu akutjhoko begodu lokho kusisiza sikhumbule ukuthi bekafundisa ngani. Ngendlela efanako ungakhumbula okunengi kilokho okufundileko ngokudweba iinthombe. Ungakwenza njani lokho? Ngokudweba iinthombe zalokho ofunda ngakho.

Abantu abadweba iinthombe zezinto ezitjha bakufumana kubulula ukukhumbula lokho abakufundileko, kuye ngeenthombe abazidwebileko. Ukudweba iinthombe kubasiza bazwisise ngcono ukudlula ukufunda amagama, kubasize bakhumbule namaphuzu aqakathekileko walokho abakufundako. Iinthombe abazidwebako akusingezobukghwari kodwana ngezilula. Ukudweba iinthombe kusiza nabantu esele baluphele begodu kubakhumbuza lokho abafunda ngakho.

Esikhathini esizako nawufundako, ungalinga ukudweba lokho ofunda ngakho. Uzokurareka khulu ukubona ukuthi kunengi kangangani okukhumbulako kilokho okufundileko.