Ithuri beliyingcenye yalapha kungenwa khona endaweni eCwengeke khulu ethempelini. NgokweBhayibheli Imitlolo Ecwengileko eyagadangiswa ngaphambi kwaka-2023, ithi, “ithuri elingaphambili belimakhubhithi ama-20 ubude, lilingana nobubanzi bendlu, ukuphakama kwalo bekuli-120.” (2 Kron. 3:4) Amanye amatjhugululo nawo aveza okufanako ngethureli athi, ukuphakama kwalo ‘bekumakhubhithi ali-120’ ubude, okuyenza ibe siqongolo esimamitha ama-53.

Nanyana kunjalo, IBhayibheli ImiTlolo Ecwengileko egadangiswe ngo-2023, malungana nethuri lethempeli lakaSolomoni lithi: ‘limakhubhithi ama-20 ukuphakama,’ namkha amamitha ali-9 ubude. a Akhe sicoce ngamabanga ambalwa wokuthi kube nokulungiswa kwemininingwana le.

Ubude bethuri akukhulunywa ngabo kweyoku-1 yamaKhosi 6:3. Evesineli umtloli uJoromiya watlola ngobubanzi nobukhulu bethuri ingasi ubude balo. Esahlukweni esilandelako uhlathulula ezinye iingcenye ezitjhejekako nezikarisako zethempeli okuhlanganisa isimbi encibilikisiweko yeLwandle, iinkarana ezilitjhumi neensika ezimbili zekhopha ezijame ngaphandle kwethuri. (1 Kho. 7:​15-37) Nange ithuri belilide ngamamitha ama-50 begodu lidlula ithempeli loke, kubayini uJoromoya angakakhulumi ngobude balo? Ngitjho nangemva kwamakhulu weminyaka, abosomlando bamaJuda batlola ukuthi ithuri belingasilide kangako ukudlula ithempeli lakaSolomoni.

Izazi zibona kungazwakali kuhle ukuthi amaboda wethempeli bekangasekela ithuri ebelilide ngamakhubhithi ali-120. Ilitje elide khulu nendlela isitina sekadeni esibumbeke ngayo njengaleso esasetjenziswa emasangweni weGibhide besinesisekelo esivulekileko begodu sisincani phezulu. Ithempeli lakaSolomoni belihlukile. Izazi zikholelwa ukuthi amabodalo bekangadluli emakhubhithini asi-6 namkha amamitha ayi-2.7 ubudege. Isazi sezokwakha u-Theodor Busink, waphetha ngokuthi: “Ngokuya ngobudege beboda [lebungenweni bethempeli], angekhe kwenzeka bona ithuri libe makhubhithi ali-120 [ubude].”

Okutlolwe kweyesi-2 IinKronike 3:4 kungenzeka akhenge kukotjululwe kuhle. Nanyana eminye imitlolo yesandla yekadeni ikhuluma “nge-120” evesineli, eminye imitlolo efumaneka eencwadini ongazithemba njengencwadi ethi, fifth-century Codex Alexandrinus nethi, the sixth-century Codex Ambrosianus zikhuluma “ngamakhubhithi ama-20.” Kungenzeka kubayini umtloli wenza umtjhapho watlola amakhubhithi “ali-120”? Amabizo athi “ikhulu,” “nekhubhithi” ngesiHebheru abonakala ngathi ayafana. Yeke kungenzeka umtloli watlola ibizo elithi “ikhulu” kunokobana athi “ikhubhithi.”

Kuliqiniso, nanyana silinga ukuzwisisa imininingwana le, besiveze okunembileko malungana nethempeli lakaSolomoni, sidzimelela khulu kilokho okufanekiselwa lithempeleli, okulithempeli elikhulu lakaJehova elingokomfanekiso. Kusithabisa khulu ukuthi uJehova umeme abantu bakhe ethempelineli ukuthi bamlotjhe.—Heb. 9:​11-14; IsAm. 3:12; 7:​9-17.