Ingcenye ethi, “Khuyini Okutjha” ku-JW Library^® naku-jw.org, itjengisa iinhloko ezitja namavidiyo afumaneka kuzinzolwazi. Ungayisebenzisa njani ingcenye le bona ufumane imininingwana yamuva nje?

• Kutjhatjhululwa iinhloko ezikhamba zodwa bese zifakwe eenhlokweni ezimlandelande la ekufuze zibe khona. Lokha nakuvela isihloko esimlandelande engcenyeni ethi, “Khuyini Okutjha,” ungadawuniloda igadangiso lamuva lesihlokweso. Ngemva kwalokho ungafunda isihloko esitjha esivela phezulu erhelweni elihlelwe ngokwamalanga.

• Angekhe wakghona ukufunda iincwadi ezide njengabomagazini ngesikhathi sinye. Ungayifaka kuma-Favorites ukwenzela bona kube bulula bona uyifumane begodu uragele phambili uyifunda. Nasele uqedile ukuyifunda ungayikhupha kuma-Favorites.

Eminye imininingwana njengemibiko yeendaba nezaziso ivela kwaphela kuzinzolwazi i-jw.org, ingasi ku-JW Library. Khumbula ukuhlala uhlola ingcenye ethi, “Khuyini Okutjha” kuzinzolwazi qobe bona ufumane iinhloko zakamuva.