Singalitjalelwa izono zethu kwaphela ngomhlatjelo kaJesu wesihlengo asibhadela ngeengazi zakhe. (Efe. 1:7) Nanyana kunjalo, iBhayibheli lithi: “UZimu ngokukghodlhelela kwakhe bekalibalela izono ezenzeka esikhathini esidlulileko,” lokho bekungaphambi kobana uJesu abe sihlengo. (Rom. 3:25) UJehova bekalibalela njani ngaphambi kokobana kube nesihlengo bekabe nobulungisa?

UJehova wathembisa “isizukulwana” ebesizokusindisa labo abatjengisa ukukholwa kiso neenthembisweni zakhe. Nakenza isithembisweso bekufana nokuthi isihlengo besele sibhadelwe. (Gen. 3:15; 22:18) UZimu bekaqiniseka ukuthi ngesikhathi esifaneleko, iNdodanakhe ebelethwe yodwa beyizokuvuma ukuzinikela bona ibe sihlengo. (Gal. 4:4; Heb. 10:​7-10) Nakasephasini njengomjameli kaZimu, uJesu bekanelawulo lokulibalela izono ngaphambi kokuzinikela bona abe sihlengo. UJesu bekalibalela labo ebebatjengisa ukukholwa ngombana bekazi ukuthi ukuzinikela kwakhe bekuzogubuzesa izono zabo.—Mat. 9:​2-6.