Nasilungiselela ukufunda, singazibuza, ‘Khuyini engilindele ukuyifunda?’ Senza kuhle ngokukhumbula bona nanyana sazi ukuthi isihloko esithileko sizokukhuluma ngani, akukafuzi sivumele lokho kusenze singatjhejisisi nasifundako. Singamlalela njani uJehova kilokho alinga ukusifundisa khona?

Thandazela ukuhlakanipha. Bawa uJehova akusize uzwisise lokho afuna ukufunde nje. (Jak. 1:5) Unganeliswa kwaphela ngalokho osele okwazi.—IzA. 3:​5, 6.

Vumela amandla weliZwi lakaZimu asebenze ekuphileni kwakho. “Ilizwi lakaZimu liyaphila.” (Heb. 4:12) Yeke qobe nasifunda iBhayibheli lingasisiza sifunde into etjha, engasisiza ekuphileni kwethu ngendlela ehlukileko. Lokho kungenzeka nasivuma ukuthi sitlhoga ukufunda lokho uZimu asifundisa khona.

Thokoza ngakho koke uJehova akusebenzisako ukusifundisa. Izinto ezisenza sitjhidele kuZimu zifana ‘nomnyanya wokudla okumnandi.’ (Isa. 25:6) Yeke ungakubalekeli ukufunda iinhloko ocabanga ukuthi angekhe uthabele ukuzifunda. Uzokuvumela uZimu akusize ube mumuntu ongcono bewuthabele khulu ukufunda!