1. 1. USATHANA UDEVELI. USathana, ingilozi eyaphikisana noZimu, ungunobangela wehloyo esiyibona namhlanjesi. UZimu uzokutjhabalalisa uSathana nabo boke abahloya abanye njengombana kwenza uSathana.—IRhubo 37:38; Roma 16:20.

2. 2. IPHASI ELIMBI LAKASATHANA. UZimu uzokuqeda zoke izinto ezibangela ihloyo kuhlanganise abosopolotiki abakhohlakeleko nabadosiphambili bezekolo abathuthukisa ihloyo. Godu uZimu uzokuqeda amarhwebo anomrhobholo, akhohlakeleko nadlala ngabantu.—2 Pitrosi 3:13.

3. 3. ABANTU ABANESONO. IBhayibheli lihlathulula ukuthi boke abantu babelethwa banesono, okumumukghwa obenza bacabange, bafise begodu benze izinto ezimbi. (Roma 5:12) Ukufukamela ihloyo nokutjela abanye ukuthi ubahloyile ngomunye umukghwa wokuba nesono. UZimu uzokuqeda isono begodu yoke imikghwa yehloyo izokuphela nya.—Isaya 54:13.

1. 1. AKEKHO OZOKUPHATHWA KUMBI. UmBuso kaZimu uzokubusa iphasi loke, uzokubusa usezulwini begodu uzokuletha ukulunga unomphela. (Danyela 2:44) Ibandlululo lizokuphela. UZimu uzokuqeda koke ukuphathwa kumbi abantu abaqalana nakho namhlanjesi.—Lukasi 18:7.

2. 2. WOKE UMUNTU UZOKUBA NOKUTHULA. Akekho ozokutlhaga ngebanga lenturhu namkha lepi. (IRhubo 46:9) Iphasi lizokuba yindawo evikelekileko ngombana abantu abahlala kilo bazokuthanda ukuthula.—IRhubo 72:7.

3. 3. BOKE ABANTU BAZOKUPHILA KAMNANDI NGOKUNGAPHELIKO. Abantu bazokuthandana ngokusuka ehliziyweni. (Matewu 22:39) Akunamuntu ozokugandeleleka ngebanga lemicabango namkha imikhumbulo emimbi. (Isaya 65:17) Ngesikhatheso, kuzabe kungasanahloyo ebantwini begodu “bazokuthaba khulu ngokuthula okukhulu.”—IRhubo 37:11.

Ungathanda ukuphila ephasini elinjalo? Nanje, abantu bafunda ukungahloyani ngokulandela iinkambisolawulo zeBhayibheli. (IRhubo 37:8) Lokhu ngilokho okwenziwa boFakazi bakaJehova ephasini loke. Nanyana bavela emasikweni neenzindeni ezingafaniko, bazwana njengomndeni, babumbene begodu bayathandana.—Isaya 2:2-4.

AboFakazi bakaJehova bangakuthabela ukukucocela abakufundileko malungana nokuthi ungakukghodlhelela njani ukuphathwa kumbi nokubandlululwa. Lokho okufundako kuzokusiza bona ulise ukuba nehloyo, ube nethando. Uzokufunda ukuthi ungabathanda njani boke abantu, ngitjho nalabo abanganamusa namkha abanehloyo. Umphumela walokho uzokuba kukuthi uzokuthaba nje begodu nendlela ozwana ngayo nabanye abantu izokuthuthuka. Ngaphezu kwakho koke, uzokufunda ukuthi ungaphila njani emBusweni kaZimu lapho ihloyo ingasekho khona unomphela.—IRhubo 37:29.