Nangabe akhenge, kungenzeka wakubona kwenzeka komunye. Iindaba zizele ngemibiko yokubandlululana ngobuhlanga, ukubandlululwa kwabantu abathandanako bobulili obufanako. Umphumela uba kukuthi aborhulumende abanengi, babeka imithetho eminengi elwisana nokuhloywa kwabantu.

Kanengi abantu abahloywako bagcina sele bahloye abanye begodu bayazibuyiselela, lokho kwenza ukuthi ihloyo ingapheli.

Kungenzeka ukhe wabandlululwa, wabizwa ngamagama, wathukwa, wabetjhwa namkha wathuselwa. Nanyana kunjalo, ihloyo ayipheleli lapho. Ihlanganisa ukutlhoriswa, ukumotjhwa kwepahla, ukubetjhwa, ukukatwa nokubulawa ngehloso kwabantu abanengi besitjhaba namkha umhlobo othileko.

Umagazini lo uzokuphendula imibuzo elandelako bewutjengise nokuthi ungayihlula njani ihloyo:

• Kubayini kunehloyo engaka?

• Singakuhlula njani ukuba nehloyo?

• Kghani kuzokuba nesikhathi lapha ihloyo izabe ingasekho?