Lithini IBhayibheli?
Ungubani uDeveli?
UNGAPHENDULA UTHINI? Kghani uDeveli . . .
Umumuntu womoya?
Uyihliziyo embi emuntwini?
Uyinto eyakhiwa ziingqondo zabantu?
OKUTJHIWO LIBHAYIBHELI
UDeveli wakhe wacoca noJesu ‘bewamlinga.’ (Matewu 4:1-4) Akasiyinto eyakhiwa miqondo yabantu, namkha ihliziyo embi esemuntwini. Umumuntu womoya okhohlakeleko.
YINI ENYE ESINGAYIFUNDA EBHAYIBHELINI?
UDeveli bekayingilozi ecwengileko, kodwana azange akakarele eqinisweni. (Jwanisi 8:44, NW) Waba ngusomalakazi bewahlubuka kuZimu.
Nezinye iingilozi zazihlanganisa naye zahlubuka.—IsAmbulo 12:9.
UDeveli uvale abantu abanengi amehlo ukuze bangakholwa ukuthi ukhona.—2 Korinte 4:4.
Kghani uDeveli uyakghona ukulawula abantu?
ABANYE BATHI ayikho indaba yokuthi uDeveli ulawula abantu, kodwana abanye bayakusaba ukungenwa mimoya emimbi. Wena ucabangani?
OKUTJHIWO LIBHAYIBHELI
“Iphasi loke lisemandleni womumbi.” (1 Jwanisi 5:19) UDeveli ulawula abantu abanengi, kodwana akalawuli woke umuntu.
YINI ENYE ESINGAYIFUNDA EBHAYIBHELINI?
UDeveli ulawula abantu ngokubakhohlisa. —2 Korinte 11:14.
Imimoya emimbi nayo ingabalawula abantu ngezinye iinkhathi.—Matewu 12:22.
Ngesizo lakaZimu, singaphumelela ‘ekujamelaneni noSathana.’—Jakopo 4:7.
