Singasihlula Njani Isitha Sethu, Ukufa?
NGITJHO nanyana ababelethi bethu bokuthoma u-Adamu no-Eva ngebanga lokungalaleli basilethela isono nokufa, lokho akhenge kutjhugulule ihloso kaZimu ngomndeni wabantu. Kilo loke iBhayibheli uZimu utjho kanengi ukuthi ihloswakhe ayikatjhuguluki.
-
“Abalungileko bazokudla ilifa lephasi, begodu bazokuhlala kilo ngokungapheliko.” —IRhubo 37:29.
-
“Uzakuqeda ukufa unomphela. USomandla onguSomnini uzokusula zoke iinyembezi kibo boke ubuso” —Isaya 25:8.
-
“Isitha sokugcina esizokupheliswa kukufa.” —1 Korinte 15:26.
-
“Ukufa angekhe kusaba khona, namkha isizi namkha ukulila namkha ubuhlungu angekhe kusaba khona.” —IsAmbulo 21:4.
UZimu ‘uzokuqeda’ njani ukufa? Njengombana sibonile iBhayibheli lithi “Abalungileko. . . bazokuhlala” ephasini ngokungapheliko. Kodwana libuye lithi “akunamuntu olungileko ephasini owenza okuhle kwaphela.” (UMtjhumayeli 7:20) Inga-kghani lokho kutjho ukuthi angeze kusaphilwa ngokwalokho iinkambiso zakaZimu ezikhuluma ngakho? Awa akusinjalo. Angeze kwenzeka lokho ngombana ‘uZimu angeze aleya amala.’ (Titosi 1:2) Alo uZimu uzokwenzani ukuthi azalise ihloswakhe ngabantu?
UZIMU “UZAKUQEDA UKUFA UNOMPHELA.” —ISAYA 25:8
UKUHLULA UKUFA NGESIHLENGO
Ngebanga lokuthi uJehova uZimu uyasithanda wenza amalungiselelo wokuqeda ukufa, ngokuthi enze umhlabelo. Umhlabelo yinto elingana patsi nale eyoniweko bona umuntu afumane ubulungiswa. Njengombana boke abantu bafa ngebanga lesono, iBhayibheli lithi: “ Umuntu angeze anikela uZimu umnotho kobana ube sihlengo sakhe, (Isihlengo sepilo yabantu sibiza khulu).” —IRhubo 49:8, 9.
Umuntu onesono nakahlongakalako, usuke abhadela izono zakhe kwaphela, angeze akghona ukuzisindisa yena namkha asindise abanye. (Roma 6:7) Besitlhoga umuntu onganasono bona anikele ngokuphila kwakhe bona asindise thina ingasi yena. —Hebheru 10:1-4.
Ngilokho-ke uZimu ahlele bona kwenzeke. Wathumela iNdodanakhe uJesu, isuka ezulwini, yabelethwa ephasini, inganasono, yaba mumuntu. (1 Pitrosi 2:22) UJesu wathi uzele ‘ukwenzela abanye nokunikela ukuphila kwakhe kube sihlengo sabanengi.’ (Markosi 10:45) Wafa bona abhadele izono zethu, asitjhaphulule ekufeni. —Jwanisi 3:16.
UKUFA KUZOKUHLULWA NINI?
Namhlanjesi kuzaliseka isiphorofido seBhayibheli esithi siphila eenkhathini “okubudisi ukuqalana nazo”. (2 Thimothi 3:1) Amalanga wokuphela azokuphetha ‘ngelanga lesahlulelo nokutjhatjalaliswa kwabantu abangamsabiko uZimu.’ (2 Pitrosi 3:3, 7) Kodwana abantu abathanda uZimu bazokusinda bebabusiswe ‘ngokuphila okungapheliko.’ —Matewu 25:46.
UJesu wezela ‘ukunikela ukuphila kwakhe kube sihlengo sabanengi.’ —Markosi 10:45
Iingidi zabantu zizokuvuswa kwabafileko, zifumane ithuba lokuphila okuphakade. UJesu watjengisa ukuthi umuntu ofileko angaphila godu, ngesikhathi avakatjhele idorobho leNayini. Umhlolokazi othileko wahlongakalelwa yindodanakhe okukuphela kwayo, uJesu ‘nakambonako wamrhawukela’ Lukasi 7:11-15) Umpostoli uPowula wathi: “Nginethemba kuZimu, okulithemba nabantwaba abanalo, lokuthi kuzokuba nokuvuswa kwabafileko kwabalungileko nabangakalungi.” Ithembeli liveza indlela uZimu athanda ngayo abantu.—IzEnzo 24:15.
wayivusa indodanakhe yaphila godu. (Iingidigidi zabantu ziqale phambili ekuphileni okungapheliko. IBhayibheli lithi ‘Abalungileko bazokudla ilifa lephasi, begodu bazokuhlala kilo ngokungapheliko.’ (IRhubo 37:29) Ngesikhatheso bazokuthaba tle bebakhuthazeke ngamezwi kampostoli uPowula awatlola eminyakeni ezii-2 000 edlulileko: “Kufa, kuphi ukuhlula kwakho? Kuphi ukutinyela kwakho?” (1 Korinte 15:55) Inaba lethu elikhulu, ukufa, angeze lisaba khona.