Eminyakeni ezii-3 500 edlulileko, uJehova uZimu watjela labo ebebamlotjha ukuthi kufuze benzeni nabazakuba nengomuso elihle wathi: “Ngibeka phambi kwenu ipilo nokufa, iimbusiso namanikelela. Ngalokho khethani ukuphila ukuze niphile nina neenzukulwana zenu.”—Duteronomi 30:19.

Nabazakuba nengomuso elihle bekufuze bathathe iinqunto ezifaneleko. Nathi namhlanjesi sinelungelo lokuzikhethela. IBhayibheli lihlathulula lokho ekufuze sikwenze nasizakuba nengomuso elihle, lithi: Kufuze ‘sikhathalele uSomnini uZimethu ngokulalela ilizwi lakhe.’—Duteronomi 30:20.

UNGAFUNDA NGAYE EBHAYIBHELINI: Kokuthoma, nawuzakuthanda uJehova kufuze ufunde ngaye eBhayibhelini. Nawuragela phambili ufunda ngaye, uzokubona ukuthi unguZimu onethando begodu okufunela okuhle kwaphela. Uyakumema ukuthi uthandaze kuye ‘ngombana unendaba nawe.’ (1 Pitrosi 5:7) IBhayibheli lithembisa ukuthi nangabe ulinga ukutjhidela kuye ‘naye uzokutjhidela kuwe.’—Jakopo 4:8.

KUSEBENZISE LOKHO OKUFUNDAKO: Ukulalela uZimu kutjho ukwenza lokho esikufumana eBhayibhelini. Nawenza njalo, ‘iindlela zakho zizokuba mhlophe bese uba nepumelelo.’—Jotjhuwa 1:8.