Uyakhumbula?
Uyakhumbula?
Uwafunde kuhle amagadangiso we-Sithalasokulinda wamva nje? Nekunjalo, hlola bonyana ungayiphendula na iimbuzo elandelako:
• Ngubani okufuze afundise abantwana ngoZimu?
Ngitjho nanyana abanye bangasiza umma nobaba, babelethi abanomthwalo oyihloko wokufundisa abantwababo ngoZimu nangendlela afuna umndeni unqotjhiswe ngayo.—10/1, ikhasi 7.
• UZimu bekatjho ukuthini nekatjela amaLefi athi: “Ngisisabelo sakho”?
Ngasinye seentjhaba zakwa-Israyeli safumana isabelo senarha, kodwana amaLefi aba noJehova ‘njengesabelo’ sawo. (Num. 18:20) Bekangekhe afumane inarha njengelifa, kodwana afumana ilungelo elikhethekileko lekonzo. Nanyana kunjalo, uJehova watlhogomela iintlhogo zawo ezingokwenyama ezisisekelo. Namhlanjesi, labo abanelungelo lokuthuthukisa iinkareko zoMbuso bangaqiniseka bona iintlhogo zabo zokuphila zizokutlhogonyelwa.—9/15, amakhasi 7-8, 13.
• Kubayini kuqakathekile ukuphatha otjhade naye ngehlonipho?
Ihlonipho ingenye yezinto eziyihloko emtjhadweni othabisako nohlala isikhathi eside. Ihlonipho yenza kube nokwaneliseka nokuvikeleka emtjhadweni. Ngokuqinisekileko kuyafaneleka ukuyihlawulela.—10/1, ikhasi 12.
• Yini engasiza umKrestu ukuqunta bona ihlobo elithileko lokuzithabisa liyazuzisa namtjhana awa?
Ukuqunta bona ukuzithabisa okuthileko kuzokuzuzisa begodu kuthabise emehlweni kaZimu, kulisizo ukubuza bona: Kubangakanya ini? Ngizokuhlanganyela nini kikho? Ngizozithabisa nobani?—10/15, amakhasi 9-12.
• Kufuze siwubhadale na umthelo?
Nekabuzwa bona kuyafaneleka na emehlweni kaZimu ukubhadala umthelo kurhulumende weRoma, uJesu waphendula: “Nikelani uKhesari okungekwakhe, ninikele noZimu lokho okungekwakhe.” (Mar. 12:13-17) Abarhulumende—abajanyelwe ‘nguKhesari’—benza imali basize nekubekeni inani layo. Benza kube neenkonzo zomphakathi ezinengi. Ngalokho, ngombono kaZimu, banelungelo lokufuna bona imali ibhadalwe ngomthelo.—10/1, amakhasi-14 no-15.
• Ukulandisa okukuZiyema 7:6-23 kungasisiza njani sibalekele ukubukela iinthombe zomseme ezisilapheleko?
Ukulandisokhu kusitjela ngesokana elakhamba endaweni ekwaziwako bona umfazi oziphatha kumbi uhlala kiyo. Umfazi loyo wamyenga. Namhlanjesi, senza kuhle ngokubalekela ama-Web sites aneenthombe ezisilapheleko, begodu kuqakathekile nokufuna isizo lakaZimu ngomthandazo ngitjho nangaphambi kokuhlangana neenthombe ezinjalo ku-Internet.—11/15, amakhasi 9-10.
• Ungakubona njani ukukhulekela kweqiniso?
Abakhulekeli beqiniso bahlonipha iBhayibhili njengeLizwi lakaZimu. Badumisa ibizo lakaZimu elithi Jehova, begodu batjhumayela ngoMbuso kaZimu. Abasiyingcenye yephasi elimbeli, begodu banethando elikhulu ngomunye nomunye.—10/1, amakhasi-16 no-17.
• Kghani uZimu uqala elinye ihlanga njengelingcono kunelinye?
Awa. IBhayibhili itjho ngokukhanyako bona: “UZimu uphatha boke abantu ngokulingana. Loyo omesabako, enze koke okulungileko wamukelekile kuye, nanyana angewaliphi itjhaba.”—IZe. 10:34, 35.—10/1, ikhasi-26.