Isiporofido 1. Ukusikinyeka Kwephasi

“Kuzaba khona ukusikinyeka kwephasi okusabekako.”—LUKA 21:11.

● UWinnie, oneenyanga ezi-16 ubudala, wakhitjhwa efuqufuqwini e-Haiti. Isiqhema seembikiindaba ze-TV esibika ngehlekelele le samuzwa aquma kabuhlungu ngelizwi eliphasi. Waphuluka ekusikinyekeni kwephasi, kodwana ababelethi bakhe khenge baphuluke.

NGIKUPHI OKUTJENGISWA MAQINISO? Nekwenzeka ukusikinyeka kwephasi okulinganiselwa ku-7.0 eHaiti ngoJanabari 2010, pheze abantu abangaphezu kwe-300 000 bahlongakala. Abanye abaziingidi ezi-1.3 basala banganazindlu. Nanyana bekukusikinyeka kwephasi okukhulu, ukusikinyeka eHaiti bekungasisisehlakalo esihlukileko. Pheze kwenzeka ukusikinyeka kwephasi okukhulu okunganani oku-18 ephasini mazombe hlangana no-Apreli 2009 no-Apreli 2010.

NGIKUPHI UKUPHIKISA OKUJAYELEKILEKO? Asiqalani nokusikinyeka kwephasi okunengi; ngebanga letheknoloji yagadesi, sikutjheja khulu ukudlula abantu bekadeni.

UKUPHIKISOKHO KULIQINISO? Cabangela iqinisweli: IBhayibhili aligandeleli isibalo sokusikinyeka kwephasi hlangana nemihla yokuphela. Nokho, iyatjho bona ‘ukusikinyeka okukhulu’ kuzokwenzeka “eendaweni ezahlukeneko,” ebekuzokwenza kube matshwayo abonakalako wesikhathi esiqakatheke khulu emlandweni.—Markosi 13:8; Luka 21:11.

UCABANGANI? Siyakubona ukusikinyeka okukhulu kwephasi njengombana iBhayibhili labikezela?

Ukusikinyeka kwephasi kukodwa kungenzeka kungabonakali kubufakazi bokobana siphila emihleni yokuphela. Nokho, kukuzaliseka kwesiporofido esisodwa. Cabangela sesibili.

[Umkhangiso osekhasini 4]

“Thina [zazi zesayensi yephasi] sikubiza ngokobana kusikinyeka okukhulu kwephasi. Abanye bakubiza ngokobana ngokumbi.”—UKEN HUDNUT, WE-U.S. GEOLOGICAL SURVEY.

[Umthombo wesithombe ekhasini 4]

© William Daniels/Panos Pictures