“Tjheja Ihliziyo Yakho!”
“Tjheja Ihliziyo Yakho!”
Umhlangano Wesigodi Wabofakazi Bakajehova
ISIHLOKO SANGELESIHLANU
“UJehova Yena, Ubona Okusehliziyweni”—1 SAMUWELI 16:7.
ISIHLOKO SANGOMGQIBELO
“Umlomo Ukhuluma Lokho Okuvela Ngehliziyweni”—MATEWU 12:34.
ISIHLOKO SANGOSONDARHA
“Khonza UJehova Ngehliziyo Epheleleko”—1 IMILANDO 28:9.
IBhayibhili ikhuluma ngehliziyo iinkhathi ezipheze zibe yikulungwana. Esikhathini esinengi, iMitlolo ikhuluma, ingasi ngehliziyo yomuntu yenyama, kodwana ngehliziyo engokomfanekiso. Iyini ihliziyo engokomfanekiso? Ibizweli lingaqalisela engaphakathini lomuntu—lokho akucabangako, indlela azizwa ngayo neemfiso zakhe.
Kubayini kufuze sitjheje ihliziywethu engokomfanekiso? UZimu watjhukumisa iKosi uSolomoni bona itlole: “Ngaphezu kwakho koke okufuze kutjhejwe, tjheja ihliziyo yakho, ngombana kiyo kuvela imithombo yokuphila.” (Iziyema 4:23) Ipilwethu nje nethemba lokuphila kwesikhathi esizako kuyame ebujamweni behliziyo yethu engokomfanekiso. Kubayini kunjalo? Ngombana uZimu ubona lokho okusehliziywenethu. (1 Samuweli 16:7) Lihlobo lomuntu esinguye ngaphakathi, “umuntu wehliziyo osithekileko” nguye otjhoko bona uZimu uzizwa njani ngathi.—1 KaPitrosi 3:4, NW.
Singayitjheja njani ihliziywethu? Ipendulo yombuzo loyo kuzokucocwa ngokudephileko ngayo hlangana nomhlangano aboFakazi BakaJehova abazokuba nawo iphasi mazombe ukuthoma inyanga le. Umenywa bona ube khona kiwo womathathu amalanga womhlangano lo. * Okufundako kuzokusiza bona wenze ngendlela ezokuthabisa ihliziyo kaZimu.—Iziyema 27:11.
[Umtlolo waphasi]
^ isig. 11 Bona ufumane umhlangano oseduze nawe, sibawa uhlole i-Web site ku-www.pr418.com. Godu ungathinta aboFakazi BakaJehova bangekhenu namtjhana utlolele abagadangisi bakamagazini lo.
[Umthombo wesithombe ekhasini 32]
Photo on right: Aus dem Fundus der MÜNCHNER OLYMPIAPARK GMBH, München
