Njengombana umnyaka ka-2023 uthoma, soke sinethemba lokuthi izinto zizosikhambela kuhle, thina nemindenethu. Kubayini singaba nethemba?

 IBhayibheli lineendaba ezimnandi ezithi imiraro esiqalene nayo ingeyesikhatjhana nokuthi ingasikade izokuphela. Kuhlekuhle, iBhayibheli ‘latlolelwa bona lisifundise ukuthi. . . ngenduduzo evela emiTlolweni sibe nethemba.’—Roma 15:4.

•   Bona ufunde okungeziweko ngalokho okuthenjiswa liBhayibheli, funda isihloko esithi, “A Real Hope for a Better Tomorrow.”

 Ithemba elifumaneka eBhayibhelini lingaba ‘njenge-ankera yokuphila kwethu.’ (Hebheru 6:19, umtlolo waphasi) Ithembelo lingasenza siqine. Lingasisiza sikghodlhelelele imiraro esinayo , siqale izinto ngendlela efaneleko besihlale sithabile. Ngokwesibonelo:

•   Fumana indlela ithemba eliseBhayibhelini elasiza ngayo indoda ebeyilwisana nokusela khulu. Bukela ividiyo ethi, Ngadinwa Yipilo Ebengiyiphila.

•   Fumana indlela ithemba eliseBhayibhelini elingasisiza ngayo nasihlongakalelwe mumuntu esimthandako. Bukela ividiyo ethi, Induduzo Kilabo Abahlongakalelweko.

 Abantu abanengi banethemba lokuthi izinto zizobakhambela kuhle kodwana abaqiniseki ukuthi lokho kungenzeka kwamambala. Okuthenjiswa liBhayibheli kuhlukile. Kubayini sitjho njalo? Ngombana iinthembiso eziseBhayibhelini zivela kuJehova uZimu a ngokwakhe, “ongeze aleya amala.” (Titosi 1:2) NguJehova kwaphela onamandla wokuzalisa zoke iinthembiso zakhe, angakghona ukwenza “koke afuna ukukwenza.”—IRhubo 135:5, 6.

 Nawe ungazuza ethembeni elifumaneka eBhayibhelini. Ungaqinisa ithemba lakho ‘ngokuhlolisisa imiTlolo.’ (IzEnzo 17:11) Zifumanele lokho ngokufunda iBhayibheli simahla nomunye waboFakazi bakaJehova. Thoma u-2023 unombono ofaneleko ngengomuso!