Hlangana nomnyaka ka-2024 kuzokuba namakhetho amanengi ephasini loke ukudlula indlela ekhekwenzeka ngayo ngomnyaka munye. Nanyana kunjalo, abantu abanengi abasabathembi abosopolotiki.

•   Abantu be-Amerika nababuzwako bathi “abosopolotiki abanengi benza izinto ngokubamarhamaru” ingasi ngombana banesifiso sokusiza abantu. a—Ngokwe-Pew Research Center, kaSeptemba 19, 2023.

 Abantu abanengi abatjha nabo ababathembi abosopolotiki.

•   “Abantu abatjha namhlanjesi kanengi banendaba nokufumana iinsombululo zemiraro eqakathekileko kodwana nababuzwako bathi abosopolotiki abazifumani iinsombululwezo.”—Ngokwe-The New York Times, kaJanabari 29, 2024.

•   “Umbiko uveza ukuthi abantu abatjha bathemba abantu be-YouTube ukudlula abosopolotiki.”—Ngokwe-The Korea Times, kaJanabari 22, 2024.

 Kghani singabathemba abosopolotiki bona bazokwenza ingomuso libe ngcono? Ngubani esingamthemba?

 Abantu benza kuhle ngokuthi batjheje ukuthi bathemba ubani. IBhayibheli lithi “umuntu onganalemuko ukholwa woke amezwi, kodwana ohlakaniphileko ucabangisisa ngalokho azokwenza.”—IzAga 14:15.

•   Okungakusiza bona ufumane ukuthi ngiliphi ilwazi eliliqiniso namkha elimamala, funda isihloko esithi, “Zivikele Emangeni.”

 Ukungezelela kilokho, ngitjho nabosopolotiki abathembekileko nabaneenhloso ezihle abakghoni ukwenza koke abafisa ukukwenza. Kungabangelo IBhayibheli lisiyelelisa:

•   “Ningathembeli ebarholini babantu; akunamuntu onganisindisa.”—IRhubo 146:3, Ngokwetjhugululo le-Good News.

 IBhayibheli lihlathulula ukuthi uZimu ubeke umrholi onekghono nothembekileko: uJesu Krestu. (Lukasi 1:32, 33) UJesu yiKosi yomBuso kaZimu, urhulumende obusa usezulwini.—Matewu 6:10.

•   Funda ukuthi kubayini kufuze uthembe uJesu nokuthi khuyini azoyenza ukurarulula imiraro esinayo. Funda isihloko esithi, “Ngubani IKosi YomBuso KaZimu?” nesithi “Khuyini Ezokwenziwa MBuso KaZimu?”