Ngokuya ngokwalokho okutjhiwo yi-World Health Organization (WHO), kusukela ngoMeyi 23, 2022, abantu abayi-6.27 miliyoni bahlongakele ngebanga le-COVID-19. Nanyana kunjalo, eendabeni ezakhutjhwa ngoMeyi 5, 2022, i-WHO yalinganisa bona isibalo sabahlongakeleko sikhulukhulu ukudlula lesi. Itjheje bona hlangana kwaka-2020 no-2021, “isibalo esipheleleko salabo ababulewe yi-COVID-19 ngokunqophileko namkha ukugula okuhlobene nayo . . . besipheze sibe yi-14.9 miliyoni.” Kghani kukhona okutjhiwo liBhayibheli ngezehlakalo ezibuhlungwezi?

•    UJesu wabikezela bona kuzokuba nezifo namkha ukugula okubulalako hlangana nesikhathi esibizwa ngokuthi ‘mimihla yokuphela.’—Lukasi 21:11; 2 Thimothi 3:1.

 Isiphorofido sakaJesu siyazaliseka namhlanjesi. Bona ufunde okungeziweko, funda isihloko esithi “Zibonakala Ngani “Izinsuku Zokugcina,” Noma “Isikhathi Sokuphela””?

•    “UZimu wayo yoke induduzo . . . osiduduza kilo loke isizi lethu.”—2 Korinte 1:3, 4.

 Abanengi abahlongakalelwe babantu ababathandako baduduzwe mlayezo weBhayibheli. Funda okungeziweko kwesithi, “Ukubhekana Nosizi Lokushonelwa—Ongakwenza” nesithi, “Usizo Olungcono Kakhulu Kulabo Abashonelwe.”

•    “UmBuswakho awuze. Intandwakho ayenzeke nephasini, njengombana yenzeka ezulwini.”—Matewu 6:10.

 Ingasikade ‘umBuso kaZimu’ uzokuqinisekisa bona ‘akunamhlali ozakuthi: “Ngiyagula.”’ (Markosi 1:14, 15; Isaya 33:24.) Bukela ividiyo ethi, Uyini UmBuso KaZimu? bona ufumane ukuthi umbuso wezulwini lo uzokwenzani.

 Sikubawa bona ufunde ngokungeziweko ngalokho iBhayibheli elikutjhoko ukwenzela ukuthi wena nomndenakho nizuze eselulekweni sayo esihlakaniphileko neenthembisweni ezinikela ithemba.