HLALANI NILINDILE!
Abososayensi Batjhideza Isikhathi Sokuphela Kwephasi—Lithini IBhayibheli?
NgoJanabari 24, 2023, abososayensi batjhideze ilithi leDoomsday Clock a lafikela esikhathini sangaphambi kwaphakathi kwamabili, esijamele ukuphela kwephasi.
“‘IDoomsday Clock’ ejamele izinto ezibanga umonakalo ebantwini yenze kwabonakala kuseduze khulu ukuphela kwephasi ngoLesibili hlangana nepi ye-Ukraine, ukusaba ipi yenuclear nobujamo bezulu obumbi.”—AFP International Text Wire.
“Abososayensi ngoLesibili baveze ukuthi ‘iDoomsday Clock’ itjhidezwe ngemizuzwana ema-90 ngaphambi kobana kube sikhathi saphakathi kwamabili—okusikhathi esiseduze khulu sokobana iphasi litjhabalale.”—ABC News.
“Isiqhema sabososayensi abavela ephasini loke siyelelise ngokuthi abantu basengozini yokutjhabalala kunanini ngaphambilini.”—The Guardian.
Inga-kghani isikhathi sokutjhabalala kwabantu neplanethethu sesitjhidele? Inga-kghani kufuze sikusabe lokho ingomuso elisiphathele khona? Lithini iBhayibheli?
Lokho ingomuso elisiphathele khona
Ngokwalokho okutjhiwo liBhayibheli, “iphasi lihlala ngokungapheliko” begodu kuzokuba nabantu ‘abazokuhlala kilo ngokungapheliko.’ (UMtjhumayeli 1:4; IRhubo 37:29) Nje-ke abantu angeze balitjhabalalise iphasi namkha balenze singasakghoni ukuhlala kilo.
Nanyana kunjalo, iBhayibheli liyakhuluma ngesiphelo. Ngokwesibonelo lithi “iphasi liyadlula.”—1 Jwanisi 2:17.
Bona ufumane ukuthi iBhayibheli litjho ukuthini nalikhuluma ngokuphela kwephasi, funda isihloko esithi “Ingabe Umhlaba Usuzogoqwa? Ingabe IBhayibheli Lithi Konke Kuzobhujiswa?”
Ukufumana lokho okutjhiwo liBhayibheli ngesikhathi sezenzakalo ezizako zephaseli, funda isihloko esithi “Uzobhubha Nini Umhlaba?”
Ukuhlala sinombono omuhle
IBhayibheli lingasisiza sihlale sinombono omuhle kunganandaba bona siqalene namiphi imiraro ephasini. Njani?
IBhayibheli lisinikela iinluleko ezingasisiza ekuphileni kwethu kwaqobe langa. (2 Thimothi 3:16, 17) Ngokwesibonelo, funda isihloko esithi “How to Control Worry” ukubona ukuthi iBhayibheli lingakusiza njani uhlale unombono omuhle nanyana uqalene nemiraro ekuphileni.
IBhayibheli lisinikela ithemba ngengomuso. (Roma 15:4) Likuhlathulula kuhle lokho esingakulindela nje nesikhathini esizako, okusisiza sibe nethemba naphezu kwalokho okwenzekako ephasini namhlanjesi.
Bona ufumane okungeziweko, sikumema bona ufunde nathi iBhayibheli simahla.
a “IDoomsday Clock liwatjhi eliyelelisa abantu ukuthi kutjhidele kangangani ukutjhabalala kwephaseli ngebanga lezinto eziyingozi zetheknoloji esizenzako. Singathekiso, isikhumbuzo sezinto ezibanga umonakalo ekufuze sizilungise nangabe sifuna iplanethethu ingamotjheki.”—Bulletin of the Atomic Scientists.