Abantu abanengi ephasini loke baqalana neenkhukhula ezitjhabalalisako. Tjheja imibiko elandelako:

•   “Emalangeni adlulileko, ehlokodorobho ye-China kune izulu elikhulu khulu elingakhenge kheline eminyakeni eli-140 edlulileko. Hlangana noMgqibelo noLesithathu kune izulu elimamilimitha ayi-744.8.”—Ngokwe-AP News, ka-Arhostosi 2, 2023.

•   “ULesine bekulilanga lesibili isiwuruwuru u-Khanun sabangela izulu elikhulu nomoya onamandla esewula ye-Japan, sabulala abantu ababili. . . . Kulindeleke bona isiwuruwurwesi silethe izulu elimamitha ayi-0.6 eentabeni ze-Taiwan ephakathi.”—Ngokwe-Deutsche Welle, ka-Arhostosi 3, 2023.

•   “Iinkhukhula ezenzeke ngepelaveke [e-Nova Scotia] zibangelwe lizulu elikhulu eline esifundeni se-Canada eligwini le-Atlantic eminyakeni ema-50.”—Ngokwe-BBC News, kaJulayi 24, 2023.

 Lithini iBhayibheli ngezenzakalwezi?

 IBhayibheli liveza ukuthi siphila esikhathini esibizwa ngokuthi ‘mimihla yokuphela.’ (2 Thimothi 3:1) UJesu waphorofida ukuthi ngesikhathi sethu sizokubona ‘imibono esabekako’ namkha izenzakalo ezithusako. (Lukasi 21:11) Ukutjhuguluka kobujamo bezulu ngunobangela omkhulu wezenzakalo ezithusako, ezingakalindeleki, ezenzeka khulu amalanga la begodu zenzeka ngezinga eliphezulu.

 IBhayibheli lisitjela ukuthi izinto ezinengi ezithusako ezenzeka ephasini namhlanjesi kuhlekuhle zisinikela ibanga lokuba nethemba. Kubayini? UJesu wathi: “Nanibona izintwezi zenzeka, yazini ukuthi umBuso kaZimu useduze.”—Lukasi 21:31; Matewu 24:3.

 Izenzakalo esizibonako zitjengisa ukuthi ingasikade umBuso kaZimu uzokukghona ukulawula izinto ezingokwemvelo zephasi, kuhlanganise nomzombelezo wamanzi.—Jobho 36:27, 28; IRhubo 107:29.